Isidoro Sánchez Salgués
Isidoro Sánchez Salgués, nado en Santiago de Compostela o 11 de abril de 1828 e finado na mesma cidade o 18 de agosto de 1890, foi un médico e profesor galego, catedrático de Historia Natural e Cabaleiro da Orde de San Xoán de Xerusalén.
| Biografía | |
|---|---|
| Nacemento | 11 de abril de 1828  Santiago de Compostela, España |
| Morte | 18 de agosto de 1890 (62 anos) Santiago de Compostela, España |
| Catedrático de universidade | |
| | |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Campo de traballo | Historia natural |
| Lingua | Lingua castelá |
Premios
| |
Traxectoria editar
Doutorouse en Medicina e Cirurxía o 20 de xaneiro de 1854 logo de ler no acto de investidura o discurso De la abnegación en el Médico. Exerceu a docencia e investigación na Universidade de Santiago de Compostela e nos Institutos de Bacharelato de Ourense, Salamanca e da súa cidade natal.
No período en que foi catedrático atenddeu as tres seccións do Gabinete de Historia Natural, especialmente Zooloxía e Mineraloxía, preocupandose de recoller e mercar fondos para fornecer a colección da Universidade. Incluíu unha sección de entomoloxía e abriu un apartado de anatomía comparada con esqueletos de animais vertebrados.
En 1882 ampliouse o gabinete, construíndose novas vitrinas e aumentando os andeis para a mostra de pezas pequenas como minerais ou moluscos. Amais, nesa época iniciouse a sección de botánica, cunha colección de madeiras galegas. Conseguiu para a Biblioteca do centro obras de Bowles e relacionadas coa Expedición do Pacífico.
Estivo casado con María de la Concepción Álvarez Astray, con quen tivo catro fillos: Isidoro, Benito, Leopoldo e Carmen.
Obra editar
- Dictamen referente a la conveniencia de propagar el cultivo del Avellano común en Galicia (Sociedade Económica de Amigos do País de Santiago, 1881)
Véxase tamén editar
Bibliografía editar
- Bugallo Rodríguez, A.: O ensino da Historia Natural no Instituto de Santiago (1850-1903). Profesorado e recursos, dependencias e influencias. Universidade de Santiago.
- Instituto Xelmirez. Pasado e Presente. Deputación da Coruña. 1997.
- Isidoro Sabell Salgués. UNED. Pontevedra. 2013