Isadore Singer
Isadore Manuel Singer, nado en Detroit o 24 de abril de 1924 e finado o 11 de febreiro de 2021, foi un matemático estadounidense, profesor no departamento de matemáticas no MIT, e coñecido polo seu traballo con Michael Atiyah no desenvolvemento do teorema de Atiyah-Singer sobre índices analíticos.
Traxectoria editar
Naceu en Detroit e diplomouse na Universidade de Míchigan en 1944. Logo de obter o seu doutoramento en 1950 na Universidade de Chicago, dedicouse ao ensino na UCLA e logo no MIT, onde desenvolveu gran parte da súa carreira.
Singer é membro da Academia Nacional de Ciencias dos Estados Unidos e da Academia Estadounidense das Artes e as Ciencias.
Entre os principais premios que recibiu cóntanse o Premio Bôcher en 1969, o Premio Leroy Steele no ano 2000, ambos da Sociedade Americana de Matemáticas, a medalla Wigner en 1988, a Medalla Nacional de Ciencia dos Estados Unidos en 1983, o Premio Abel, compartido con Michael Atiyah en 2004, e o premio James Rhyne Killian do MIT en 2005.[1][2]
Obras editar
- 1976 (con J. Thorpe): «Lecture notes on elementary topology and geometry'»', Springer , Undergraduate Texts in Mathematics.
- Quantum Field Theory, Supersymmetry, and Enumerative Geometry, con Daniel Freed e David Morrison, IAS/Park City Mathematics Series, 2006, ISBN 978-0-8218-3431-2.