Ipecac Recordings
Este artigo (ou sección) está desactualizado(a). A información fornecida mudou ou é insuficiente. |
Ipecac Recordings é unha discográfica independente estadounidense que ten a súa sede en Orinda, unha vila do condado de Contra Costa, en California. Fundárona o 1 de abril de 1999 Greg Werckman, que traballara antes en Alternative Tentacles, Mercury Records e Pick-A-Winner Management, e Mike Patton (Faith No More, Fantômas). A súa sede primeira estivo en Alameda.
| Ipecac Recordings | |
|---|---|
| Fundado en | 1 de abril de 1999 |
| Fundador | Mike Patton, Greg Werckman |
| Distribuidoras | Southern Records Fontana Distribution |
| Orixe | Estados Unidos  |
| Localización | California |
| http://www.ipecac.com/ | |
Orixinalmente o selo creárono para o único propósito de editar o primeiro álbum de Fantômas, mais despois transformouse para distribuír outros artistas coma The Melvins, Isis e outros dos proxectos e colaboracións de Patton. Ipecac distínguese da maioría dos selos (incluídos os independentes) pola súa política de asinar coas bandas contratos por un único álbum.
O nome do selo vén do xarope de ipecacuaña (ipecac en inglés), unha menciña con propiedades eméticas (que provocan o gómito). O seu lema é "Ipecac Recordings, facendo trousar a xente desde 1999" (Ipecac Recordings - Making People Sick Since 1999).