Igrexa ortodoxa romanesa
A Igrexa ortodoxa romanesa (Biserica Ortodoxă Română en romanés) é unha das igrexas autocéfalas integradas na comuñón ortodoxa.
| Igrexa ortodoxa romanesa (Patriarcado de Romanía) Biserica Ortodoxă Română | |
|---|---|
 | |
| Historia | |
| Fundación | 1864 |
| Parte de | Igrexa Ortodoxa |
| Goberno | |
| Tipo de goberno | Episcopal |
| Patriarca de Romanía | Daniel |
| Clasificación | |
| Grupo | Ortodoxia |
| Orientación | Cristianismo oriental |
| Teoloxía | Concilio de Calcedonia, Trinitaria |
| Demografía e cultura | |
| Países | Romanía, Moldavia, Serbia, Hungría, Europa, América do Norte, Oceanía |
| Linguas litúrxicas | Romanés |
| Ritos litúrxicos | Bizantino |
| Outros datos | |
| Sede central | Bucarest |
| Páxina web | patriarhia.ro |
Historia editar
No Reino de Romanía editar
En 1859, a unión dos principados de Moldavia e Valaquia resultou no nacemento do moderno estado romanés. Xa que a organización territorial das Igrexas ortodoxas tende a seguir a do estado, en 1872 as metrópoles ortodoxas dos antigos principados, a metrópole de Ungro-Valaquia e a metrópole de Moldavia, uníronse para formar a Igrexa ortodoxa romanesa.
A constitución romanesa de 1866 declarou á Igrexa ortodoxa "independente de calquera xerarquía estranxeira", e unha lei aprobada en 1872 declarou á Igrexa como "autocéfala". Logo dun longo período de negociacións co patriarcado Ecuménico de Constantinopla, baixo o que estaban ditas metrópoles, este recoñeceu finalmente á Metrópole de Romanía en 1885, que foi elevada ao rango de patriarcado en 1925.
Estrutura editar
A Igrexa ortodoxa romanesa estrutúrase como un patriarcado, o patriarcado de Romanía. O patriarcado está organizado en varias metrópoles, que á súa vez están divididas en dioceses e arquidioceses. Cada unha das metrópoles está encabezada por un metropolita, que é ao mesmo tempo o arcebispo dunha das arquidioceses.
As metrópoles, arquidioceses e dioceses en Romanía son as seguintes:
- Metrópole de Muntenia e Dobruia
- Metrópole de Moldavia e Bucovina
- Metrópole de Transilvania
- Metrópole de Cluj, Alba, Crişana e Maramureş
- Metrópole de Oltenia
- Metrópole de Banat
Nos países lindeiros e na diáspora, as xurisdicións son as seguintes:
Teólogos famosos editar
- Padre Dumitru Stăniloae (1903 - 1993) foi un dos máximos teólogos romaneses[1] e autor da Filocalia.
- Padre Arsenie Boca (1910 - 1989), monxe, teólogo e artista.
- Padre arquimandrita Cleopa Ilie (1912 - 1998), decano do Monasterio Sihastria.
Demografía editar
Pertencen a ela a maioría dos romaneses (o 86,8% da poboación de Romanía de acordo co censo de 2002[2]). Polo número de fieis (20 millóns entre Romanía, Moldavia e a diáspora), é a segunda das igrexas ortodoxas autocéfalas, só por detrás da Igrexa ortodoxa rusa.
Os fieis da Igrexa ortodoxa romanesa a miúdo refírense a ela como Dreapta credinţă ("crenza correcta, auténtica", nome semellante ao grego Ορθος δοξος, "crenza correcta, recta").
Notas editar
- ↑ "Pe scurt, 30 decembrie 2008, Ciprian Bâra, Ziarul Lumina". Arquivado dende o orixinal o 06 de xuño de 2015. Consultado o 28 de marzo de 2015.
- ↑ "Datos sobre relixión do censo de 2002" (PDF). Arquivado dende o orixinal (PDF) o 26 de maio de 2006. Consultado o 31 de decembro de 2009.