Ian McDiarmid
Ian McDiarmid, nado en Carnoustie (Tayside) o 11 de agosto de 1944, é un actor e director escocés de teatro, que tamén fixo aparicións esporádicas no cinema e na televisión. McDiarmid tivo unha exitosa carreira no teatro, pero en todo o mundo é recoñecido polo seu máis famoso papel como o Emperador Palpatine nos filmes de Star Wars (nas triloxías orixinais e na precuela).
  | |
| Biografía | |
|---|---|
| Nacemento | 11 de agosto de 1944 (79 anos) Carnoustie, Reino Unido (pt)  |
| Datos persoais | |
| País de nacionalidade | Reino Unido |
| Relixión | Ateo |
| Educación | Universidade de St Andrews Royal Conservatoire of Scotland (en) |
| Actividade | |
| Ocupación | actor de teatro , actor de televisión , director de cinema , actor de cinema , director teatral |
| Período de actividade | 1968 - |
| Lingua | Lingua inglesa |
Premios
| |
            | |
Dende o ano 1976 apareceu en 47 filmes.
Traxectoria editar
McDiarmid naceu en Carnoustie e converteuse nun afeccionado do teatro á idade de cinco anos, cando o seu pai o levou a ver un acto co nome de Tommy Morgan nun teatro situado en Dundee. No 2004 declarou: "Dalgún xeito fascinoume, e tamén me arrepiaba. Tódalas luces, toda a maquillaxe. Díxenme, 'Non sei o que é isto, pero quéroo'.
Por outra banda, por medo á desaprobación do seu pai, McDiarmid asistiu á Universidade de St Andrews, onde recibiu unha mestría en Psicoloxía. Pouco despois, decidiu seguir unha carreira no teatro e tomou cursos de capacitación en calidade na Royal Scottish Academy of Music and Drama en Glasgow. En 1968, McDiarmid recibiu unha medalla de ouro polo seu traballo. Este sería o primeiro de moitos recoñecementos que lle deu o teatro pola súa labor. McDiarmid afirmou que se converteu no seu receptor "facendo tódalas tarefas aburridas que tes que facer cando es novo para gaña-la vida."
Agora ten unha exitosa carreira como director de teatro, e dende 1990 até a súa xubilación no 2001 foi director artístico do conxunto Almeida Theatre de Londres en Islington. El e o seu co-director Jonathan Kent reviviron o Almeida e convenceron a moitas estrelas de Hollywood como Kevin Spacey, Ralph Fiennes e Anna Friel a pisar os taboleiros do seu humilde teatro. Gañou o cobizado premio London Evening Standard en 1998 polos seus esforzos.
Star Wars editar
Aínda que McDiarmid é ante todo un actor de teatro, considérase feliz de traballar en filmes. Despois dunha pequena aparición na película de Dragonslayer, McDiarmid foi elixido por George Lucas para encarnar o Emperador Palpatine en Star Wars: Episode VI - Return of the Jedi. Dezaseis anos despois volveu interpretar o papel dun senador máis novo na precuela das películas de Star Wars. El mesmo atribuíu a oportunidade de repetir o seu papel ó feito de ser moito máis novo que a súa personaxe a primeira vez que facía o papel.
Nas precuelas interpreta dous caracteres distintos e volve crear a súa interpretación diabólica de Palpatine en Star Wars: Episode VI - Return of the Jedi. Se ben lograra anteriormente pouco recoñecemento debido ás extensas próteses empregadas para o papel que o facía irrecoñecible, recibiu ampla atención e aclamación da crítica polo seu papel máis amplo nas precuelas.
Tamén traballou en Star Wars como a voz de Palpatine nos videoxogos: Super Star Wars: The Empire Strikes Back, Super Star Wars: Return of the Jedi, Lego Star Wars The Video Game, Lego Star Wars II: The Original Trilogy, Star Wars Battlefront: Renegade Squadron e Star Wars Battlefront: Elite Squadron.
Filmografía editar
Cinema editar
- The Likely Lads (1976)
- Sir Henry at Rawlinson End (1980)
- Richard's Things (1980)
- The Awakening (1980)
- Dragonslayer (1981)
- Gorky Park (1982)
- Star Wars Episode VI: Return of the Jedi (1983)
- Dirty Rotten Scoundrels (1988)
- Restoration (1995)
- Star Wars: Episode I - The Phantom Menace (1999)
- Sleepy Hollow (1999)
- Star Wars: Episode II - Attack of the Clones (2002)
- Star Wars: Episode V - The Empire Strikes Back
- Star Wars: Episode III - Revenge of the Sith (2005)
- The Odds (2009)
Televisión editar
- Red Letter Day (1 episodio, 1976)
- Crown Court (1 episodio, 1978)
- A Performance of Macbeth (1979)
- Crime e castigo (televisión) (2002)
- Elizabeth I (2005)
- City of Vice (5 episodios, 2008)
- Margaret (2009)
Premios editar
| Ano | Premio | Traballo | Resultado |
|---|---|---|---|
| 1968 | Medalla de Oro do Royal Scottish Academy of Music and Drama | Gañador | |
| 1982 | Premio Laurence Olivier ó mellor actor | Insignificance | Gañador |
| 1985 | Time Out Comedy Award ó mellor director | Scenes from an Execution | Gañador |
| 1990 | Time Out Comedy Award ó mellor director | Volpone | Gañador |
| 1991 | Observer Award polo seu traballo durante dez anos na escena irlandesa | Volpone, The Rehearsal, e Betrayal Field | Candidato |
| 1995 | Manchester Evening News Award ó mellor actor | Hated Nightfall | Gañador |
| 1998 | Special Evening Standard Award pola súa traxectoria | Gañador | |
| 2001 | Critics' Circle Theatre Award ó mellor actor | Faith Healer | Gañador |
| 2002 | Clarence Derwent Award ó mellor actor secundario | Faith Healer | Gañador |
| 2004 | Manchester Evening News Award ó mellor actor | Enrique IV | Gañador |
| 2005 | Theatregoers' Choice Award ó mellor actor | El Rey Lear | Gañador |
| Teen Choice Award ó mellor actor en filme de acción | Star Wars: Episode III - Revenge of the Sith | Candidato | |
| 2006 | Drama League Award por su interpretación | Faith Healer | Candidato |
| Theatre World Award á mellor interpretación revelación | Gañador | ||