Hans Monderman

enxeñeiro neerlandés

Hans Monderman, nado en Ljouwert o 19 de novembro de 1945 e finado en Oerterp o 7 de xaneiro de 2008, foi un enxeñeiro e urbanista frisón.

Hans Monderman
Nacemento19 de novembro de 1945
Lugar de nacementoLeeuwarden
Falecemento7 de xaneiro de 2008
Lugar de falecementoUreterp
Causacancro de próstata
NacionalidadeReino dos Países Baixos
Ocupaciónenxeñeiro civil, enxeñeiro, sen etiquetar e arquitecto
editar datos en Wikidata ]

Traxectoria profesional editar

Monderman desenvolveu case toda a súa vida profesional como enxeñeiro de tráfico en vilas e pequenas cidades de Frisia, formulando un modelo de regulación do tráfico rodado que sería coñecido como o "modelo Monderman". En 1969 entrou a traballar como enxeñeiro civil e como controlador de tráfico na provincia neerlandesa de Frisia, e mantivo esa ocupación, en distintos postos e lugares (Smallingerland, Groningen, Drenthe...), ata o remate da súa vida.

O seu modelo incluía o redeseño do ambiente urbano (iluminación, mobiliario etc.), a redución drástica de sinalización e de elementos coercitivos (bandas rugosas, semáforos, chicáns etc.) e a substitución de cruzamentos por rotondas, para que os distintos integrantes do espazo público tivesen que convivir e autorregulasen as súas prácticas. O seu modelo de mobilidade pode contemplarse en funcionamento en ata un cento de poboacións de Frisia e o resto dos Países Baixos. O seu modelo, a través do programa Shared Space, estase a poñer en práctica internacionalmente, en Suffolk (Inglaterra), Oostende (Bélxica), Bohmte (Alemaña) ou Ejby (Dinamarca), entre outras cidades.

Faleceu cando aínda non se xubilara, de cancro de próstata.

Véxase tamén editar

Ligazóns externas editar