Hammershus

Hammershus é a meirande fortificación medieval do Norte de Europa, situada a 74 metros sobre o nivel do mar sobre Hammeren, o extremo noroeste da illa dinamarquesa de Bornholm, no Mar Báltico.

Hammershus

Historia

Foi erixido no século XIII. Pensouse durante moito tempo que o castelo fóra construído en 1255 como residencia privada para Jakob Erlandsen, o arcebispo de Lund. Non obstante, novas probas atopadas nas ruínas do castelo suxiren que era construído nun primeiro momento como residencia real para Valdemar II de Dinamarca e como base para as cruzadas dinamarquesas, segundo a versión de Kjeld Borch Westh, comisario do Museo Nacional de Dinamarca.