Hal Greer
Harold Everett Greer, nado o 26 de xuño de 1936 en Huntington, Virxinia Occidental, é un ex xogador profesional de baloncesto estadounidense que desenvolveu a súa carreira na National Basketball Association (NBA). Foi seleccionado na segunda rolda do Draft da NBA polos Syracuse Nationals (actuais Philadelphia 76ers) en 1974, onde permanecería toda a súa carreira. É o máximo anotado histórico dos Sixers, sendo recoñecido polo club retirando o seu dorsal 15. En 1982 foi admitido no Basketball Hall of Fame como xogador e en 1996 foi votado como uns dos "cincuenta mellores xogadores da historia da NBA".
| Hal Greer | |
|---|---|
 | |
| Posición | Escolta/Ala |
| Dorsal | 15 |
| Altura | 1,88 m (6 ft 2 in) |
| Peso oficial | 79 kg (175 lb) |
| Nacemento | 26 de xuño de 1936 (87 anos) Huntington, WV
|
| Carreira | |
| Universidade | Marshall |
| NBA Draft | 1958 / Rolda: 2 / Elección: 13 Por Syracuse |
| Tempadas | 1958–1973 |
| Equipo(s) | |
| |
| Estatísticas (NBA) | |
| Puntos | 21 586 (19,2 pp) |
| Rebotes | 5 665 (5,0 pp) |
| Asistencias | 4 540 (4,0 pp) |
| Stats @ Basketball-Reference.com | |
| Premios | |
| |
| Basketball Hall of Fame como xogador | |
Traxectoria editar
Universidade editar
Xogou a competición universitaria estadounidense, a NCAA, coa Universidade de Marshall, onde foi o primeiro atleta de raza negra. En 71 partidos fixo unha media de 19,4 puntos e 10,8 rebotes, sendo elixido en dúas ocasións no mellor quinteto da súa conferencia.
NBA editar
Foi elixido no Draft da NBA de 1958 polos Syracuse Nationals (actuais 76ers) na sexta posición da segunda rolda, o que supoñía a décimo terceira elcción global. Greer xogou para Syracuse durante cinco tempadas, chegando a facer unha media de 22,8 puntos por partido en 1961. Ese ano foi elixido para xogar o NBA All-Star Game. En 1963, os Syracuse Nationals trasldáronse a Philadelphia e convertéronse nos Philadelphia 76ers. Alí, foi compañeiro de Wilt Chamberlain e formou parte do equipo que acabou co reinado dos Boston Celtics liderado por Bill Russell. Nos 15 partidos de playoffs dos 76ers desa tempada, Greer fixo 27,7 puntos por encontro. Greer tiña unha técnica para lanzar os tiros libres pouco usual, pero moi efectiva. É considerado coma o terceiro mellor escolta dos anos 60, despois de Oscar Robertson e Jerry West.
Greer xogou en 10 All-Star Game e foi o MVP do partido de 1968, onde anotou 21 puntos, 19 deles nun só cuarto. Tamén foi elixido sete veces no 2º Equipo All-NBA, e anotou máis de 20.000 puntos durante a súa carreira na NBA. Abandonou a competición profesional en 1971 á idade de 34 anos. O seu número 15 foi retirado polos Sixers como homenaxe á súa carreira deportiva. Despois de retirarse foi incorporado en 1982 ao Basketball Hall of Fame. En 1996 foi elixido un dos cincuenta mellores xogadores da historia da NBA.
Palmarés editar
- Campión da NBA (1967).
- Elixido en 7 ocasiones no segundo mellor quinteto da NBA (1963–1969).
- 10 veces All Star (1961–1970).
- Nomeado MVP do All-Star Game en 1968).
- Máximo anotador histórico dos Philadelphia 76ers.
- Membro do Basketball Hall of Fame (1982).
- Elixido como un dos 50 mellores xogadores da historia da NBA (1996).
- Na súa localidade natal hai unha rúa co seu nome, o Hal Greer Boulevard.