Gumersindo Rodríguez Casales
Gumersindo Rodríguez Casales, nado na Picoña (Salceda de Caselas) en abril de 1886 e finado en Tui o 21 de outubro de 1936,[1] foi un chofer e político galego.
| Biografía | |
|---|---|
| Nacemento | 1886  A Picoña, España |
| Morte | 21 de outubro de 1936 (49/50 anos) Tui, España |
| Datos persoais | |
| País de nacionalidade | España |
| Actividade | |
| Ocupación | chofer , político |
| Lingua | Lingua castelá |
Traxectoria editar
Foi secretario da Federación Agraria de Ponteareas. Marchou a Buenos Aires en novembro de 1919.[2] Cando retornou, mercou en 1925 unha camioneta para dedicarse ao transporte de mercancías e viaxeiros.[3] Mercou unha nova camioneta con Serafín Fernández Vaqueiro en febreiro de 1930.[4] Foi secretario da sociedade de agricultores e canteiros "Solidaridad" de San Xurxo de Salceda e militou na CNT. En xuño de 1934 foi elixido vice-secretario da agrupación de Izquierda Republicana de Salceda de Caselas.[5] Co golpe de Estado do 18 de xullo de 1936 foi detido nos primeiros días de agosto con Venancio Pérez Lemos por unha patrulla de falanxistas e gardas cívicos de Salceda de Caselas. Xulgados por rebelión militar en consello de guerra celebrado en Vigo o 12 de outubro, foron condenados a pena de morte. Foron executados en Tui o 21 de outubro de 1936.
Notas editar
Véxase tamén editar
Bibliografía editar
- Rodríguez Gallardo, Ángel (2006). O ruído da morte. A represión franquista en Ponteareas (1936-1939). Sada: Do Castro. p. 100. ISBN 84-8485-236-9.
Outros artigos editar
Ligazóns externas editar
- Gumersindo Rodríguez Casales na páxina web Nomes e Voces.