Gran Premio de Bélxica de 1966

O Gran Premio de Bélxica de Fórmula 1 de 1966 disputouse en Spa-Francorchamps o 12 de xuño de 1966. Foi a segunda carreira da tempada de Fórmula Un de 1966. A carreira foi o 26 Gran Premio de Bélxica. A carreira levouse a cabo sobre 28 voltas ao circuíto de catorce quilómetros cunha distancia de carreira de 395 quilómetros.

Gran Premio de Bélxica de 1966

Detalles da carreira
Carreira 2 de 9 no Campionato Mundial de Fórmula 1 de 1966.
Trazado do circuíto de Spa-Francorchamps.
Data	12 de xuño 1966
Nome oficial	XXVI Gran Premio de Bélxica
Localización	Circuíto de Spa-Francorchamps, Spa, Bélxica
Percorrido	Percorrido permanente de carreira 14´120 km
Distancia	28 voltas, 395´36 km
Clima	Cuberto, mollado
Pole position
Piloto	John Surtees	Ferrari
Tempo	3:38:0
Volta rápida
Piloto	John Surtees	Ferrari
Tempo	4:18:7
Podio
Primeiro	John Surtees	Ferrari
Segundo	Jochen Rindt	Cooper-Maserati
Terceiro	Lorenzo Bandini	Ferrari

A carreira foi gañada polo piloto británico, campión do mundo de 1964 John Surtees pilotando un Ferrari 312 nunha carreira que se viu decimada polas condicións meteorolóxicas nas primeiras voltas. Foi a cuarta vitoria de Surtees nun Gran Premio e a primeira desde o Gran Premio de Italia de 1964. Surtees levouse a vitoria con 42 segundos de vantaxe sobre piloto austríaco Jochen Rindt que pilotaba un Cooper T81. Foi o primeiro podio do futuro campión do mundo Jochen Rindt e o primeiro para a nova combinación Cooper-Maserati o equipo de fábrica de Cooper Car Company buscou o motor V12 de tres litros de Maserati para adaptarse as novas regulacións. O compañeiro de equipo de Surtees o italiano Lorenzo Bandini terminou terceiro no seu Ferrari 246.

Cun par de podios, Bandini tomou a dianteira no campionato por un punto aos dous gañadores da carreira, Surtees e Jackie Stewart.

Resumo da carreira

A distancia da carreira reduciuse con respecto ao ano anterior, de 32 a 28 voltas. Máis da metade dos corredoreso tiveron un accidente na primeira volta debido a unha forte tormenta e quedaban só sete corredores no inicio da segunda volta. Catro pilotos derraparon e estrelaronse na curva Burnenville, onde caía un espeso muro de choiva. O Cooper T81 de Jo Bonnier pasou por unha pequena zona libre no bordo da pista e o BRM P261 de Jackie Stewart estrelouse contra un poste de teléfono e logo aterrou nunha gabia en Masta Kink, quedanto atrapado no seu BRM envorcado, encharcado ata a cintura no combustible, durante 25 minutos. Graham Hill e Bob Bondurant, ambos dos cales estaban preto de Stewart, lograron rescatalo coa caixa de ferramentas dun espectador. Jack Brabham derrapou co Brabham BT19 en Kink Masta a 135 quilómetros por hora, pero recuperou o control do coche e reincorporouse á carreira. Había moita auga na pista que se lle meteu e inundou o motor Climax de Jim Clark no seu Lotus 33 e quedou fóra da carreira tamén na primeira volta. A primeira volta levouse toda a cabo baixo bandeiras verdes. E no inicio da segunda volta, 8 dos 15 pilotos que iniciaron estaban fóra da carreira.

A carreira foi filmada para a película Gran Premio. Un segmento de oito minutos da película de 1966 utiliza unha combinación de imaxes en vivo e de escenas da carreira. As imaxes en vivo mostran a Surtees, Bonnier, Bandini, Ligier, Clark e Gurney en acción. Surtees e interpretado na ficción por Jean-Pierre Sarti mentres que Bandini é por Barlini Nino. A película cóidase de non recoller a Jackie Stewart en acción, interpretado por Scott Stoddard, xa que cando se estrenou estabase recuperando do accidente case fatal a principios de tempada. O Yamura (Honda) branco de James Garner, o número 24 non aparecía na carreira real e as escenas que o mostran son parte da filmación en estudo.

Logo do seu accidente nesta carreira, Jackie Stewart comezou os seus esforzos para aumentar a seguridade nas carreiras, que se prolongaron durante décadas, sobre todo logo de que a súa influencia como piloto de carreiras de Fórmula Un crecera a través das seguintes sete tempadas que competiu na Fórmula Un.

Clasificación

Pos	Nº	Piloto	Construtor	Voltas	Tempo/Retirada	Grella	Puntos
1	6	John Surtees	Ferrari	28	2:09:11.3	1	9
2	19	Jochen Rindt	Cooper-Maserati	28	+ 42.1	2	6
3	7	Lorenzo Bandini	Ferrari	27	+ 1 volta	5	4
4	3	Jack Brabham	Brabham-Repco	26	+ 2 voltas	4	3
5	18	Richie Ginther	Cooper-Maserati	25	+ 3 voltas	8	2
NC	22	Guy Ligier	Cooper-Maserati	24	Non Clasificado	12
NC	27	Dan Gurney	Eagle-Climax	23	Non Clasificado	15
Ret	15	Jackie Stewart	BRM	0	Accidente	3
Ret	20	Jo Bonnier	Cooper-Maserati	0	Accidente	6
Ret	16	Mike Spence	Lotus-BRM	0	Accidente	7
Ret	14	Graham Hill	BRM	0	Accidente	9
Ret	10	Jim Clark	Lotus-Climax	0	Motor	10
Ret	8	Bob Bondurant	BRM	0	Accidente	11
Ret	4	Denny Hulme	Brabham-Climax	0	Accidente	13
Ret	21	Jo Siffert	Cooper-Maserati	0	Accidente	14
NTS	24	Bruce McLaren	McLaren-Serenissima		Coxinete da roda nas practicas
NTS	11	Peter Arundell	Lotus-BRM		Motor
NTS	8	Vic Wilson	BRM		Coche pilotado por Bondurant

Posicións logo da carreira

Clasificación do Campionato de pilotos

	Pos	Piloto	Puntos
1	1	Lorenzo Bandini	10
1	2	Jackie Stewart	9
4	3	John Surtees	9
3	4	Jochen Rindt	6
2	5	Graham Hill	4

Clasificación do Campionato de Construtores

	Pos.	Construtor	Puntos
1	1	Ferrari	15
1	2	BRM	9
	3	Cooper-Maserati	6
	4	Brabham-Repco	3

• Nota: Só están incluídos os cinco primeiros postos en ambos os grupos de clasificación.

Véxase tamén

Ligazóns externas

• "The Official Formula 1 website". Arquivado dende o orixinal o 17 de febreiro de 2008. Consultado o 2008-01-15. 

Carreira anterior: Gran Premio de Mónaco de 1966	Campionato Mundial de Fórmula 1 da FIA Temporada 1966	Carreira seguinte: Gran Premio de Francia de 1966
Carreira anterior: Gran Premio de Bélxica de 1965	Gran Premio de Bélxica	Carreira seguinte: Gran Premio de Bélxica de 1967