Goura
| Goura | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Goura victoria | |||||||||||||||||
| Clasificación científica | |||||||||||||||||
| |||||||||||||||||
| Especie tipo | |||||||||||||||||
| Columba cristata Pallas, 1764 | |||||||||||||||||
| Especies | |||||||||||||||||
|
| |||||||||||||||||
Goura é un xénero de aves columbiformes, da familia dos colúmbidos, o único da subfamilia dos gurinos, que comprende catro especies (ou tres, segundo os autores), endémicas de Nova Guinea e illas adxacentes.
Son os membros máis grandes da familia. As catro especies son moi parecidas, e non son simpátricas xeograficamente.
Xunto coa pomba de Nicobar (Caloenas nicobarica) e a pomba manumea (Didunculus strigirostris) están estreitamente relacionadas cos extintos dodo e o solitario de Rodrigues.
Características editar
Aliméntanse de froitos caídos, sementes e caracois do solo da selva. Machos e femias son case idénticos, pero durante a época de celo o macho arrola e exhíbese para a femia. Ambos os sexos incuban un único ovo durante 28 ou 30 días, e o pito tarda outros 30 días para emplumar. A lonxevidade máxima pode ser superior a 20 anos.
Taxonomía editar
Descrición editar
O xénero foi descrito en 1819 polo naturalista inglés James Francis Stephens,[1] na páxina 119 da súa obra General Zoology, e a especie-tipo é Goura cristata, que foi descrita en 1764 por Peter Simon Pallas co nome de Columba cristata.[2][3]
Etimoloxía editar
O nome Goura é unha adaptación ao latín científico dun nome local dos nativos de Nova Guinea.[4][5]
Especies editar
As catro especies de Goura son:[6]
- Goura cristata (Pallas, 1764)
- Goura scheepmakeri Finsch, 1876
- Goura sclaterii Salvadori, 1876
- Goura victoria (Fraser, 1844)
Porén, o ITIS só recoñece tres:[1]
- Goura cristata (Pallas, 1764)
- Goura scheepmakeri Finsch, 1876
- Goura victoria (Fraser, 1844)
Considerando a Goura sclaterii Salvadori, 1876 como unha subespecie de G. scheepmakeri, Goura scheepmakeri sclaterii Salvadori, 1876.[7]
Filoxenia editar
Un estudo filoxenético molecular publicado en 2018 descubriu que as catro especies do xénero formaban dous pares: Goura cristata é irmá de Goura sclaterii, mentres que Goura scheepmakeri é irmá de Goura victoria.[8]
| ||||||||||||||||||||||||||||||||||||||||
Notas editar
- ↑ 1,0 1,1 Goura Stephens, 1819 no ITIS.
- ↑ Stephens, James Francis (1819). General Zoology, or Systematic Natural History (en English e Latin). Volume 11 Part 1. London: G. Kearsley. p. 119.
- ↑ Peters, James Lee, ed. (1937). Check-list of Birds of the World. Volume 3. Cambridge, Massachusetts: Harvard University Press. p. 140.
- ↑ goura no Merriam Webster Dictionary.
- ↑ Jobling, J.A. (2018). del Hoyo, J.; Elliott, A.; Sargatal, J.; Christie, D.A.; de Juana, E., eds. "Key to Scientific Names in Ornithology". Handbook of the Birds of the World Alive. Lynx Edicions. Consultado o 2 de maio de 2019.
- ↑ Family Columbidae na IOC World Bird List. Versión 9.1, 2019, do Congreso Ornitolóxico Internacional.
- ↑ Goura scheepmakeri sclaterii Salvadori, 1876 no ITIS]].
- ↑ Bruxaux, J.; Gabrielli, M.; Ashari, H.; Prŷs-Jones, R.; Joseph, L.; Milá, B.; Besnard, G.; Thébaud, C. (2018). "Recovering the evolutionary history of crowned pigeons (Columbidae: Goura): Implications for the biogeography and conservation of New Guinean lowland birds". Molecular Phylogenetics and Evolution 120: 248–258. doi:10.1016/j.ympev.2017.11.022.
Véxase tamén editar
Wikimedia Commons ten máis contidos multimedia na categoría: Goura  |
| Wikispecies posúe unha páxina sobre: Goura |
Bibliografía editar
- Baptista, L. F.; P. W. Trail & H. M. Horblit (1977): "Family Columbidae (Pigeons and Doves)". En: del Hoyo, Josep; Andrew Elliott & Jordi Sargatal : Handbook of the Birds of the World. Volume 4. Barcelona: Lynx Edicions. ISBN 978-84-87334-22-1.
Outros artigos editar
Ligazóns externas editar
- Goura na ADW.
- Goura Stephens 1819 na EOL.