Gonzalo Martín March

Gonzalo Martín March, nado en Ourense en 1897 e finado na mesma cidade o 17 de setembro de 1936, foi un mestre e político galego.

Gonzalo Martín March

Biografía
Nacemento	1897 Ourense, España
Morte	17 de setembro de 1936 (38/39 anos) Ourense, España
Causa da morte	Ferida por arma de fogo
Gobernador civil Provincia de Ourense
1936 – 1936
Alcalde de Marín
1931 – 1931
Gobernador civil da provincia de Ourense
Datos persoais
País de nacionalidade	España
Actividade
Ocupación	mestre , político
Partido político	Organización Republicana Gallega Autónoma Izquierda Republicana
Lingua	Lingua castelá

Traxectoria

Foi profesor da Academia preparatoria do Instituto de Pontevedra. Militou na ORGA-FRG e posteriormente en Izquierda Republicana. Foi membro do triángulo masónico Solón de Marín. Durante a Segunda República foi alcalde de Marín en 1931. En 1936 foi nomeado gobernador civil de Ourense.

Nos días da sublevación militar de xullo de 1936 conseguiu fuxir de Ourense a Pontevedra, pero foi detido e estivo preso no Instituto de Pontevedra. Xulgado en consello de guerra sumarísimo, foi acusado de traizón e condenado a morte. No proceso, Martín March declárase autor de todo o sucedido en Ourense para evitar o movemento militar, e di que “si su vida es un obstáculo para la paz que se la ofrenda a España”. Foi fusilado o 17 de setembro negándose a recibir os auxilios relixiosos. Foille incoado expediente de responsabilidades políticas.

Predecesor: José Alcántara Fernández

Alcalde de Marín  1931

Sucesor: Agustín Rey Fonseca

Véxase tamén

Bibliografía

• García Mañá, Luís (1986). De los corregidores a los gobernadores civiles de Ourense.
• Pereira Martínez, Carlos (2004). "A Familia Poza: Un exemplo de republicanismo e librepensamento en Pontevedra" (PDF). Anuario Brigantino (27): 265–312. Consultado o 28 de agosto de 2012. 

Ligazóns externas

• Expediente de responsabilidades políticas de Gonzalo Martín March.

• Gonzalo Martín March na páxina web Nomes e Voces.