Gerardus Mercator

Gerardus Mercator
	;
Nome orixinal	(la) Gerhardus Mercator
Biografía
Nacemento	(nl) Gerard De Kremer ; 5 de marzo de 1512 ; Rupelmonde (Sacro Imperio Romano Xermánico)
Morte	2 de decembro de 1594 (82 anos); Duisburgo (Sacro Imperio Romano Xermánico)
Lugar de sepultura	Church of Our Saviour (en)
Datos persoais
País de nacionalidade	Países Baixos dos Habsburgo (pt)
Educación	Old University of Leuven (en) ; City Gymnasium (en)
Director de tese	Gemma Frisius (pt)
Actividade
Campo de traballo	Xeografía, Cartografía, matemáticas, teoloxía e filosofía
Lugar de traballo	Lovaina (–1552); Duisburgo (1552–)
Ocupación	matemático , inventor , cosmógrafo (pt) , profesor universitario , construtor de instrumentos , cartógrafo , filósofo , teólogo , xeógrafo , escritor
Empregador	Universities in Leuven (en)
Profesores	Georgius Macropedius (pt)
Alumnos	John Dee
Lingua	Lingua latina e lingua neerlandesa
Obra
	Obras destacables Proxección de Mercator; (1537) Mercator map of Palestine (en) ; (1540) Literarum latinarum, quas italicas, cursoriasque vocant, scribendarum ratio (en) ; (1541) Mercator globe of the Earth (1541) (en) ; (1554) Mercator Europe map (en) ; (1564) Angliae, Scotiae & Hiberniae nova descriptio (en) ; (1569) Chronologia (en) ; (1569) Mercator 1569 world map (en) ; (1578) Tabulae Geographicae (en) ;
Familia
Cónxuxe	Barbara Schellekens (en) ; Gertrude Vierlings (en)
Fillos	Bartholomeus‏ Mercator (en) ; () ; Rumold Mercator (pt) ; () ; Arnold Mercator (en) ; ()
	Sinatura

Xerardo Mercator, con frecuencia citado en latín como Gerardus Mercator, de nome real Gerhard de Cremere ou Gerhard Kremer, nado o 5 de marzo de 1512 en Rupelmonde (Flandres) e finado o 2 de decembro de 1594 en Duisburgo (Alemaña), foi un matemático e xeógrafo flamengo, inventor da proxección cartográfica que leva seu nome.

Biografía editar

De ascendencia alemá, Mercator realizou os seus estudos na Universidade Católica de Lovaina en 1530, so a dirección do astrónomo Frisius, quen o iniciou na construción e representación do globo. En 1538, publicou o seu primeiro mapa do mundo, que seguía ao mapa da Terra Santa que sacara a luz no ano anterior. A partir de 1552, aceptou a cátedra de cosmografía da universidade de Duisburgo e traballou na elaboración dunha proxección da Terra que o levou a publicar, en 1569, as 18 follas de «A proxección de Mercator» que por fin fornecían aos navegantes unha descrición real dos contornos das terras.

Estatua de Mercator en Rupelmonde.

A orixinalidade de Mercator reside na proxección da superficie terrestre sobre dun cilindro tanxente ao ecuador, o cal presenta a vantaxe de non deformar os ángulos. Denomínase tamén representación cilíndrica tanxente, na que os meridianos están espazados regularmente mentres que a distancia entre os paralelos aumenta coa latitude. Isto esaxera moito as superficies a medida que nos afastamos do ecuador.

A fins do século XVI, a xeografía mundial ficaba por fin aclarada na súa forma e nas súas proporcións verdadeiras. Xunto co espallamento da imprenta, Europa tornouse no centro de información e de difusión de cartas xeográficas cada vez máis fiábeis.

Mercator padeceu durante a súa vida encontros coas autoridades eclesiásticas, para as que era sospeitoso de herexía. Así en 1533, tivo que deixar a cidade de Lovaina para evitar unha indagación sobre as súas crenzas persoais e, dez anos máis tarde, foi detido por herexía en Anveres, aínda que tivo sorte de poder librarse dese mal trago.

Mercator foi inhumado en Duisburgo, onde vivía desde 1552 e onde as súas obras foran dadas a coñecer.

O mapamundi de Mercator editar

Mapamundi de Mercator (1569).

O mapamundi de Mercator representa confusamente os novos territorios do hemisferio sur :

Os perfís do noroeste e nordeste de Australia están ligados ao continente antártico mediante unha liña costeira imaxinaria.
A Terra de Fogo está tamén unida ao continente antártico.
A illa da Nova Guinea preséntase con tamaño desmesurado.

Mercator non foi o primeiro en representar Australia, outros cartógrafos anteriores, como Jean Rotz ou Pierre Desceliers, ambos pertencentes á Escola de cartografía de Dieppe, indicaran os contornos de Australia baixo a denominación de « Île de la Grande Jave » (Illa da Grande Xava).

Galería de imaxes editar

Mapamundi debuxado por Rumold Mercator consonte un do seu pai Xerardo.
Mapa de Europa.
Mapa da África.
Mapa da Berbería.

Descendencia editar

Fillo: Rumold Mercator (1545 - 1599)
Neto: Michael Mercator (1565/1570 - 1614)

Publicacións editar

Atlas sive cosmographicae meditationes de Fabrica Mundi et Fabricati Figura Primum a Gerardo Mercatore inchoatae deinde a Iudoco Hondio Piae memoriae ad finem perductae, Iam vero multis in locis emendatae et de novo in lucem editae, Henricus Hondius, Amsterdam, 1630; Johann Cloppenburg, Amsterdam, 1632.
Literarum latinarum, quas italicas, cursoriasque vocant, scribendarum ratio, Lovaina1540.