George Sidney
George Sidney, nado en Long Island City (Queens) o 4 de outubro de 1916 e finado en Las Vegas o 5 de maio de 2005, foi un director e produtor cinematográfico estadounidense.
  | |
| Biografía | |
|---|---|
| Nacemento | 4 de outubro de 1916 Long Island, Estados Unidos de América |
| Morte | 5 de maio de 2002 (85 anos) Las Vegas, Estados Unidos de América |
| Causa da morte | Morte natural (Linfoma ) |
| Lugar de sepultura | Hillside Memorial Park Cemetery (pt)  |
| Datos persoais | |
| País de nacionalidade | Estados Unidos de América |
| Actividade | |
| Ocupación | director de cinema , produtor de cinema , sindicalista , realizador |
| Período de actividade | 1937 - |
| Lingua | Lingua inglesa |
| Familia | |
| Cónxuxe | Lari Laine (1991–2002) |
Premios | |
     | |
Lista
| |
Traxectoria editar
George Sidney naceu no seo dunha familia xudeohúngara[1] dedicada ao mundo artístico. A súa nai era a actriz Hazel Mooney e os eu pai o produtor e intérprete teatral Louis Sidney. O seu tío era o tamén actor George Sidney.
A carreira de Sidney no espectáculo comezou axiña, xa que desde neno subiu aos escenarios teatrais para compartir funcións coa súa familia. Foi tamén músico.[2] O seu pai, executivo da Metro-Goldwyn-Mayer, axudouno a obter un traballo no estudio como mensaxeiro.[3] Na década de 1930 xa traballaba en Hollywood como montador e asistente de dirección. Permaneceu case toda a súa carreira nese mesmo estudio.
Sidney tivo a oportunidade de dirixir por primeira vez realizando curtametraxes de Our Gang, algúns deles protagonizados por George "Spanky" McFarland ou Carl "Alfalfa" Switzer. Deste xeito, con vinte e un anos converteuse no director máis novo que dirixiu este grupo de actores. Despois dun ano traballando en Our Gang, Sidney dirixiu capítulos para a serie de Crime Does Not Pay. A súa primeira longametraxe foi Free and Easy (1941), comedia romántica protagonizada por Robert Cummings, Ruth Hussey e Judith Anderson baseada nunha obra teatral de Ivor Novello.
Pouco despois, Sidney coñeceu a Gene Kelly e iniciouse unha relación moi lembrada na historia do cinema. A súa primeira colaboración foi en Thousands Cheer (1943), musical coprotagonizado por Kathryn Grayson. Máis tarde coincidiron en Levando áncoras (1945), con Frank Sinatra e Grayson, e Os tres mosqueteiros (1948), versión da novela de Alexandre Dumas que foi protagoniaada por Lana Turner e June Allyson.
Ademais, Sidney axudou os colegas da Metro William Hanna e Joseph Barbera para crear Hanna-Barbera Productions en 1944, unha compañía coa que mantivo relacións durante dez anos. De feito, o rato Jerry apareceu xunto a Gene Kelly nun dos números máis lembrados de Levando áncoras.
Sidney realizou as súas mellores obras na década de 1940. Entre elas, Bathing Beauty (1944), filme protagonizado por Esther Williams e The Harvey Girls (1946), protagonizado por Judy Garland. Na década de 1950, a actividade de Sidney baixou en número. En 1951 estreou a súa versión de Show Boat (1951), e posteriormente Scaramouche (1952), Pal Joey (1957) con Frank Sinatra, Rita Hayworth e Kim Novak.
Na década de 1960 dirixiu títulos de menor entidade, entre os que salientaron Pepe (1960), Bye Bye Birdie (1963), con Janet Leigh, Ann-Margret e Dick Van Dyke, ou Viva Las Vegas (1964), con Elvis Presley. O seu último filme foi Half a Sixpence (1967), tralo que se retirou definitivamente da dirección.
Pola súa contribución ao mundo do cienma, George Sidney ten unha estrela no Paseo da Fama de Hollywood. Sidney faleceu a causa dun linfoma o 5 de maio de 2002, en Las Vegas (Nevada) aos 85 anos.
Filmografía editar
- Pilot #5 (1943)
- Thousands Cheer (1943)
- Bathing Beauty (1944)
- Anchors Aweigh (1945)
- Ziegfeld Follies (1945)
- The Harvey Girls (1946)
- Holiday in Mexico (1946)
- Cass Timberlane (1947)
- Os tres mosqueteiros (1948)
- The Red Danube (1949)
- Key to the City (1950)
- Annie Get Your Gun (1950)
- Show Boat (1951)
- Scaramouche (1952)
- Young Bess (1953)
- Kiss Me Kate (1953)
- Jupiter's Darling (1955)
- The Eddy Duchin Story (1956)
- Jeanne Eagels (1957)
- Pal Joey (1957)
- Pepe (1960)
- Bye Bye Birdie (1963)
- A Ticklish Affair (1963)
- Viva Las Vegas (1964)
- The Swinger (1966)
- Half a Sixpence (1967)
Notas editar
- ↑ Cones, John. Motion Picture Biographies: The Hollywood Spin on Historical Figures. p. 62. ISBN 9781628941166.
- ↑ Davis p 60-62
- ↑ Bergan, Ronald (7 de maio de 2002). "George Sidney". The Guardian. Consultado o 17 de xuño de 2020.
Véxase tamén editar
Wikimedia Commons ten máis contidos multimedia na categoría: George Sidney  |
Bibliografía editar
- Monder, Eric (1994). George Sidney:a Bio-Bibliography. Greenwood Press. ISBN 9780313284571.