Gaxate, A Lama
San Pedro de Gaxate é unha parroquia que se localiza no concello da Lama. Segundo o padrón municipal en 2013 tiña 204 habitantes (105 mulleres e 99 homes), 17 máis ca en 2004. Ten doce entidades de poboación.
| Gaxate | |
|---|---|
 Igrexa parroquial. | |
| Concello | A Lama[1] |
| Provincia | Pontevedra |
| Coordenadas | 42°22′16″N 8°25′35″O / 42.371136111111, -8.4263416666667Coordenadas: 42°22′16″N 8°25′35″O / 42.371136111111, -8.4263416666667 |
| Poboación | 156[2] hab. (2019) |
| Entidades de poboación | 12[1] |
| [ editar datos en Wikidata ] | |
Xentilicio editar
O seu xentilicio é gaxateiro[3].
Xeografía editar
A parroquia está bañada polo río Oitavén. Sitúase xunto a Verducido, ó sur do concello. Limita ao norte con Xende e ao oeste con Forzáns (Ponte Caldelas).
Demografía editar
Os habitantes desta parroquia van minguando co paso do tempo, debido á emigración das súas xentes a Portugal, Brasil e Europa, na súa maioría. Proba deste feito son as múltiples evidencias arquitectónicas que podemos admirar, como os pazos ou as casas señoriais, algunhas de estilo indiano. Os seus habitantes, con nostalxia, aínda lembran os anos dourados de Gaxate, onde abundaban as tardes de festa e cine, as xuntanzas, faladoiros e os primeiros paseos en coche.
Historia editar
Os restos arqueolóxicos achados no castro de Gaxate indican que foi unha zona habitada dende tempos remotos.
Durante o feudalismo, os nobres ocupaban o poder e posuían ostentosas casas que aínda hoxe se poden atopar. Máis tarde, no século XV, Gaxate pertenceu ao Condado de Soutomaior, e crese que Pedro Madruga e a súa esposa Dona Urraca tiveron casa en Gaxate.
Gaxate era un lugar innovador, foi a primeira parroquia do municipio e unha das primeiras da provincia que contou con luz eléctrica grazas á enerxía xerada por unha fábrica de electricidade alí situada.
Lugares e parroquias editar
Lugares de Gaxate editar
| Lugares da parroquia de Gaxate no concello da Lama (Pontevedra) | |
|---|---|
|
A Aldea | O Castro | A Cavada | O Eido de Abaixo | A Igrexa | Os Muíños | O Pereiral | A Ponte | A Ramadiza | Ramil | As Rañas | A Rocha |
Parroquias da Lama editar
Notas
- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ INE.(2019). Nomenclátor: Población del Padrón Continuo por Unidad Poblacional. Madrid:Instituto Nacional de Estadística. Recuperado de: www.ine.es.
- ↑ "Xentilicios_0.pdf" (PDF). p. 26. Consultado o 22 de xullo de 2021.