Francisca Méndez
Francisca Elizabeth Méndez Escobar, nada en Cidade de México o 10 de xullo de 1963, é unha diplomática e politicóloga mexicana que, desde xaneiro de 2017, é a titular da Embaixada de México nos Emiratos Árabes Unidos[1] e é embaixadora de carreira desde abril de 2017.[2]
.jpg)  | |
| Biografía | |
|---|---|
| Nacemento | 10 de xullo de 1963 (60 anos) Cidade de México |
| Datos persoais | |
| País de nacionalidade | México |
| Educación | Universidade Nacional Autónoma de México |
| Actividade | |
| Ocupación | diplomática |
Traxectoria editar
É licenciada en Ciencias Políticas e Administración Pública pola Universidade Nacional Autónoma de México (UNAM) e conta con dúas mestrías, unha en Estudos Latinoamericanos pola UNAM, e outra en Dereito e Economía das Comunidades Europeas pola Universidade Estatal de Milán. Así mesmo, a embaixadora Méndez cursou diplomados en materias como política internacional e diplomacia pública.
Ingresou no Servizo Exterior Mexicano o 1 de abril de 1991.[3] Desde entón, desempeñou distintos postos na Asesoría de Asuntos Políticos e do Caribe, na Dirección Xeral para as Nacións Unidas e na Dirección Xeral para Temas Globais.
Máis adiante traballou como directora xeral para Organismos e Mecanismos Rexionais Americanos, cargo polo cal traballou como Coordinadora Nacional de México na Alianza do Pacífico, o Cume Iberoamericano e a Comunidade de Estados de América Latina e o Caribe. Tamén estivo adscrita directamente na Subsecretaria para América Latina e o Caribe como Asesora Especial para asuntos empresariais e educativos.
A embaixadora Méndez foi Cónsul Adscrita no Consulado Xeral en Milán e no Consulado Xeral en Barcelona, do cal estivo encargada durante ano e medio. Tamén foi Xefa de Chancelería nas embaixadas en Romanía, Costa Rica, Bélxica e España, e traballou como Encargada de Negocios ad interim por oito meses; e en Bélxica e a Misión de México ante a Unión Europea.[4][5]
Notas editar
- ↑ "Embajada de México en Emiratos Árabes Unidos" (en castelán). Consultado o 8 de novembro de 2018.
- ↑ Secretaría de Relaciones Exteriores (ed.). "The Mexican Government Strengthens Its Diplomatic Service" (en castelán). Consultado o 8 de novembro de 2018.
- ↑ "Embajada de México en los Emiratos Árabes Unidos" (en castelán). Consultado o 8 de novembro de 2018.
- ↑ Secretaría de Medio Ambiente y Recursos Naturales (ed.). "México, con gran potencial para aprovechar los residuos sólidos: Guerra Abud" (en castelán). Consultado o 8 de novembro de 2018.
- ↑ "Comisiones Unidas De Relaciones Exteriores Elaciones Exteriores, Asia Pacífico" (PDF).