Filmes propostos ó mellor filme internacional na 49ª edición dos Óscar

Os seguintes 24 filmes, todos eles de países diferentes, foron propostos na 49ª edición dos Óscar para o premio de mellor filme en lingua non inglesa. Os títulos salientados en azul e verde son os cinco filmes nomeados, en representación de Costa do Marfil, Alemaña Oriental, Francia, Italia e Polonia. O galardón recaeu sobre Costa do Marfil, co filme de Jean-Jacques Annaud La Victoire en chantant, converténdose no primeiro país subsahariano en presentar e gañar o galardón. O filme non sería aceptado segundo as normas actuais, xa que tanto o director como a produción do filme eran maioritariamente franceses. Costa do Marfil non volveu presentar un filme nesta categoría até a 88ª edición dos premios, con Run.

Jean-Jacques Annaud, director do filme gañador.

O Xapón non presentou un filme por primeira e única vez na historia. Alemaña Oriental recibiu o seu único nomeamento con Jakob der Lügner.

Propostas

País	Título	Lingua(s)	Director(es)	Resultado
Alemaña Occidental	Ansichten eines Clowns	Alemán	Vojtěch Jasný	Non nomeado
Alemaña Oriental	Jakob der Lügner	Alemán	Frank Beyer	Nomeado
Arxentina	Los muchachos de antes no usaban arsénico	Castelán	José A. Martínez Suárez	Non nomeado
Bélxica	Rue Haute	Francés	André Ernotte	Non nomeado
Brasil	Xica da Silva	Portugués	Carlos Diegues	Non nomeado
Checoslovaquia	Jeden stříbrný	Checo	Jaroslav Balík	Non nomeado
Costa do Marfil	La Victoire en chantant	Francés	Jean-Jacques Annaud	Premio da Academia
Dinamarca	Olsen-banden ser rødt	Dinamarqués	Erik Balling	Non nomeado
España	Cría cuervos	Castelán	Carlos Saura	Non nomeado
Exipto	Alā man nutliq al-rusās	Árabe	Kamal El Sheikh	Non nomeado
Filipinas	Ganito Kami Noon, Paano Kayo Ngayon?	Tagalo	Eddie Romero	Non nomeado
Francia	Cousin, Cousine	Francés	Jean-Charles Tacchella	Nomeado
Hong Kong	Yíng tái qì xuè	Mandarín	Han Hsiang Li	Non nomeado
Hungría	Az Ötödik pecsét	Húngaro	Zoltán Fábri	Non nomeado
Italia	Pasqualino Settebellezze	Italiano	Lina Wertmüller	Nomeado
Iugoslavia	Izbavitelj	Serbocroata	Krsto Papić	Non nomeado
México	Longitud de guerra	Castelán	Gonzalo Martínez Ortega	Non nomeado
Países Baixos	Max Havelaar	Neerlandés	Fons Rademakers	Non nomeado
Polonia	Noce i dnie	Polaco	Jerzy Antczak	Nomeado
Romanía	Osânda	Romanés	Sergiu Nicolaescu	Non nomeado
Suecia	Mina drömmars stad	Sueco	Ingvar Skogsberg	Non nomeado
Suíza	Jonas qui aura 25 ans en l'an 2000	Francés	Alain Tanner	Non nomeado
Taiwán	Eight Hundred Heroes	Mandarín	Ting Shan-hsi	Non nomeado
Unión Soviética	Oni srazhalis' za Rodinu	Ruso	Sergei Bondarchuk	Non nomeado