Galego: "O edificio principal, escavado e visitable na súa totalidade, encádrase perfectamente no modelo de villa lineal atlántica, caracterizado pola súa planta rectangular alongada, con pórtico e corredor lonxitudinal na fachada norte e ábsida sobresainte na fachada sur.

O seu tamaño e considerable (580m2) sendo destacable que foi construido seguindo un plano preconcebido que emprega medidas e proporcións propias da arquitectura romana, rectángulo de 147 x 47 pés latinos, ou sexa, unha relación 3:1 exacta.

No seu interior distínguense dúas áreas diferenciadas, unha residencial e de representación social asociada ó dominus, que ocupa a case totalidade da vivenda, e na que destacan unhas termas privadas, e outra de servicio asociada ós serventes e criados, moito mais pequena e restrinxida ó extremo occidental da casa. Ambas zonas son independentes, carentes de comunicación interior directa".