Wikipedia

Felixberto Camacho Flores

Felixberto Camacho Flores, nado o 13 de xaneiro de 1921 en Agaña (Guam) e finado o 25 de outubro de 1985 en San Francisco, foi un eclesiástico católico latino de Guam, bispo de Agaña (a partir de 1984 arcebispo) dende 1971 até o seu pasamento.

Infotaula de personaFelixberto Camacho Flores
Biografía
Nacemento23 de xaneiro de 1921 Editar o valor em Wikidata
Agaña - Hagatña, Estados Unidos de América Editar o valor em Wikidata
Morte25 de outubro de 1985 Editar o valor em Wikidata (64 anos)
San Francisco, Estados Unidos de América Editar o valor em Wikidata
Arcebispo católico
8 de marzo de 1984 –
← Apollinaris William Baumgartner (pt) Traducir – Anthony Sablan Apuron →
Bispo diocesano
24 de abril de 1971 –
← Apollinaris William Baumgartner (pt) Traducir
Titular bishop of Stagnum (en) Traducir
5 de febreiro de 1970 –
Diocese: titular see of Stagnum (en) Traducir
Administrador apostólico
5 de febreiro de 1970 –
Editar o valor em Wikidata
Datos persoais
País de nacionalidadeEstados Unidos de América Editar o valor em Wikidata
RelixiónIgrexa católica Editar o valor em Wikidata
Actividade
Ocupaciónbispo católico (1970–), sacerdote católico (1949–) Editar o valor em Wikidata
ConsagraciónLuigi Raimondi Editar o valor em Wikidata

Traxectoria editar

 
A catedral de Agaña, onde está enterrado o arcebispo.

Felixberto Camacho Flores naceu en Agaña o 13 de xaneiro de 1921.[1] Foi fillo de León Flores, un activista pola independencia de Filipinas que fora preso político en Guam,[2] e de Ana Martínez Camacho.[3] Comezou estudos de Enxeñaría no Ateneo de Manila, mais deixounos para ser sacerdote.[3] O 30 de abril de 1949 foi ordenado sacerdote polo bispo de Agaña Apollinaris William Baumgartner.[3][1]

O 5 de febreiro de 1970 Flores foi nomeado administrador apostólico de Agaña e bispo titular de Stagnum.[1] Recibiu a consagración episcopal o 17 de maio de mans do delegado apostólico nos Estados Unidos Luigi Raimondi, e tivo como co-consagradores principais ao administrador apostólico de Naha Felix Ley e ao vigairo apostólico coadxutor das illas Carolinas e Marshall Martin Joseph Neylon.[3]

O 24 de abril de 1971 foi nomeado bispo diocesano de Agaña,[1] converténdose no primeiro bispo de etnia chamorro.[4][3][5] Como bispo, acolleu ao papa Xoán Paulo II na súa visita a Guam en febreiro de 1981.[6][7] O mesmo papa elevou a sé ao rango de arquidiocese, o 8 de marzo de 1984, e Flores foi nomeado arcebispo.[6][8] Durante o seu pontificado participou activamente en varios debates sociais, como apoiando o «Non» no referendo sobre a legalización dos casinos de 1977 ou defendendo a postura provida sobre o aborto,[3] causas para nas que involucrou á senadora Elizabeth Perez Arriola.[9][10][11] Foi tamén o principal impulsor da causa de beatificación de Diego Luis de San Vitores, beatificado en Roma o 6 de outubro de 1985.[3][12][13]

Durante o seu pontificado preocupouse da educación das nenas, e continuou o labor do seu predecesor impulsando a feminina Academia de Nosa Señora de Guam.[14] Impulsou tamén un novo hospital, coa intención de que completara ao público Guam Memorial Hospital, mais aos dous anos foi vendido ao goberno.[15] No eido político, involucrouse nas negociacións pola regularización do status das Marianas do Norte e da súa relación cos Estados Unidos de América, que finalizaron cando pasaron a ser un estado libre asociado.[16][17]

Finou no cargo, o 25 de outubro de 1985 en San Francisco, dun paro cardíaco logo dunha operación a corazón aberto.[3][18] Está enterrado na catedral do Doce Nome de María.[3]

Distincións editar

Unha rúa en Agaña leva o seu nome, Archbishop F.C. Flores Street.[19]

Notas editar

  1. ↑ 1,0 1,1 1,2 1,3 Annuario pontificio per l'anno 1984. Libreria editrice vaticana. 1984. p. 6. Felixberto Camacho Flores, n. in Agaña 13 genn. 1921; ord. 30 apr. 1494; el. alla Ch. tit. di Stagno 5 feb. 1970; cons. 17 magg. 1970; tr. 24 apr. 1971. 
  2. ↑ Stade, Ronald (1998). Pacific passages: world culture and local politics in Guam. Dept. of Social Anthropology, Stockholm University. p. 82. Flores, a teacher and lawyer, was among the political exiles in Guam. Together with two comrades in arms, he chose not to return to the Philippines and stayed in Guam. One of Leon Flores' sons was Felixberto Camacho Flores [...] 
  3. ↑ 3,0 3,1 3,2 3,3 3,4 3,5 3,6 3,7 3,8 Forbes, O.F.M. Cap., Eric. "Archbishop Felixberto C. Flores". Guampedia.com (en inglés). Consultado o 2/01/2019. 
  4. ↑ Lee, Jonathan H. X.; Matsuoka, Fumitaka; Yee, Edmond; Nakasone, Ronald Y., eds. (2015). "Chamorro Spirituality". Asian American Religious Cultures. Volume 1. ABC-CLIO. p. 285. ISBN 9781598843316. 
  5. ↑ Givens, David T. (1999). Guam: An Analysis of an American Colony with Particular Emphasis on the Integration of the Precontact Class System Into the Modern Society 2. Michigan State University. Department of American Studies. p. 455. 
  6. ↑ 6,0 6,1 Cunningham, Lawrence J.; Beaty, Janice J. (2001). A History of Guam. Bess Press. pp. 311–312. ISBN 9781573060684. 
  7. ↑ Macca, José (1998). Wojtyla, de la A a la Z: diccionario biográfico de Juan Pablo II y el Vaticano. Planeta. p. 193. ISBN 9788408027379. 
  8. ↑ Thompson 2009, p. 107.
  9. ↑ Arriola Marati, Jacqueline. "Elizabeth Perez Arriola". Guampedia.com (en inglés). In 1982, Arriola was elected to the Guam Legislature where she served for the next twelve years. She took her experiences gained as a pro-life and anti-gambling leader to the Legislature, where she focused on protecting the family and preserving Guam’s culture. 
  10. ↑ Dames, Vivian Loyola (2003). "Chamorro Women, Self-Determination and the Politics of Abortion in Guam". En Hune, Shirley; Nomura, Gail M. Asian/Pacific Islander American Women: A Historical Anthology. NYU Press. p. 371. ISBN 9780814736326. 
  11. ↑ Diaz, Vicente M. (1993). "Pious Sites: Chamorro Culture Between Spanish Catholicism and American Liberal Individualism". En Kaplan, Amy; Pease, Donald E. Cultures of United States Imperialism. Duke University Press. p. 328. ISBN 9780822314134. 
  12. ↑ Galván Guijo, Javier (1998). Islas del Pacífico: el legado español. Ministerio de Educación y Cultura. Dirección General de Cooperación y Comunicación Cultural. p. 48. ISBN 9788477825081. 
  13. ↑ Diaz, Vicente Miguel (2010). Repositioning the Missionary: Rewriting the Histories of Colonialism, Native Catholicism, and Indigeneity in Guam. University of Hawaiʻi Press. p. 15. ISBN 9780824834340. 
  14. ↑ "History of the Academy of Our Lady of Guam". Academy of Our Lady of Guam (aolg.edu.gu) (en inglés). Arquivado dende o orixinal o 01 de xaneiro de 2019. Consultado o 31 de decembro de 2018. The school was founded by [...] Bishop Appolinaris William Baumgartner [...] Eleven of the eighteen [graduates] received scholarships solicited by Archbishop Felixberto C. Flores and the Sisters of Mercy [...] In 1960, under the leadership of Monsignor Felixberto C. Flores, the construction of the main building of the Academy was completed [...] 
  15. ↑ Rogers, Robert F. (1995). Destiny's Landfall: A History of Guam. University of Hawaii Press. p. 256. ISBN 9780824816780. 
  16. ↑ Willens, Howard P.; Siemer, Deanne C. (2002). An Honorable Accord: The Covenant Between the Northern Mariana Islands and the United States. University of Hawaii Press. p. 31. ISBN 9780824823900. The highest prelate in the Pacific Islands began the ceremony with an insightful invocation [...] 
  17. ↑ Willens, Howard P. (2004). The Secret Guam Study: How President Ford's 1975 Approval of Commonwealth was Blocked by Federal Officials. Micronesian Area Research Center. p. 5. ISBN 9781878453778. 
  18. ↑ Thompson 2009, p. 111.
  19. ↑ "Archbishop FC Flores St.". Google Maps. 

Véxase tamén editar

Bigliografía editar

  • Thompson, Joyce (2009). Sister of Sacrifice: Biography of Sister M. Optata Fries Fspa. AuthorHouse. ISBN 9781467874397. 

Ligazóns externas editar


Dignidades da Igrexa católica
Predecesor:
Apollinaris William Baumgartner 		 Bispo de Agaña 
1971 - 1984 		Sucesor:
(elevación da sé)
Predecesor:
(elevación da sé) 		 Arcebispo de Agaña 
1984 - 1985 		Sucesor:
Anthony Sablan Apuron
Traído desde «https://gl.wikipedia.org/w/index.php?title=Felixberto_Camacho_Flores&oldid=6704901»