Fausto Coppi

Fausto Coppi nado en Castellania o 15 de setembro de 1919 e finado en Tortona o 2 de xaneiro de 1960 foi un ciclista italiano, o primeiro en gañar o Giro de Italia e o Tour de Francia no mesmo ano (1949), o que repetiría en 1952. Gañaría cinco Giros malia a interrupción sufrida por causa da segunda guerra mundial.

Fausto Coppi

(1952)
Nome orixinal	(it) Angelo Fausto Coppi
Biografía
Nacemento	(it) Angelo-Fausto Coppi 15 de setembro de 1919 Castellania, Italia (pt)
Morte	2 de xaneiro de 1960 (40 anos) Tortona, Italia (pt)
Causa da morte	Morte natural  (Malaria )
Datos persoais
País de nacionalidade	Italia (1946–1960) Reino de Italia (1919–1946)
Altura	177 cm
Actividade
Campo de traballo	Ciclismo en ruta
Ocupación	ciclista
Lingua	Lingua italiana
Nacionalidade deportiva	Italia
Deporte	Ciclismo en pista ciclismo en ruta
Traxectoria   Equipo Competición 1939-1942 Legnano 1946-1955 Bianchi 1949-1952 Italy (en) 1956-1957 Carpano (pt) 1958-1958 Bianchi
Participou en
1952	1952 Challenge Desgrange-Colombo (en) (2º)
1951	1951 Challenge Desgrange-Colombo (en) (7º)
1950	1950 Challenge Desgrange-Colombo (en) (4º)
1949	1949 Challenge Desgrange-Colombo (en) (1º)
1948	1948 Challenge Desgrange-Colombo (en) (10º)
	Tour de Francia
Familia
Irmáns	Serse Coppi
Páxina web	faustocoppi.it

Traxectoria

Iniciouse como profesional en 1939. Ademais dos Giros mencionados (1940, 1947, 1949, 1952, 1953), onde gañou 22 tiradas e tres veces o premio da montaña, ten no seu amplísimo palmarés dous Tour de Francia (1949 e 1952), onde gañou 9 tiradas e dúas veces o premio da montaña. Adxudicouse tamén un campionato do mundo de fondo en estrada (1953), dúas vitorias no Gran Premio das Nacións, ademais de varias clásicas entre as que destacan as tres vitorias na Milán-San Remo, unha na París-Roubaix e cinco no Giro a Lombardía. Foi récord mundial da hora en 1942 (45.871). Marca que resistiu 14 anos ata que foi superada por Jacques Anquetil.

Coñecido en Italia como il campionissimo, o país estaba dividido entre os seguidores do seu vello xefe de filas Gino Bartali e os partidarios de Fausto Coppi. No Giro Bartali relegouno á segunda posición en 1946, postos que se inverterían en 1947 e 1949. Ese mesmo ano Coppi sería primeiro e Bartali segundo nun Tour de Francia onde impuxeron o seu dominio.

Durante a guerra foi alistado e feito prisioneiro en África polos británicos o que incrementou a súa popularidade. En 1950 unha caída no Giro mantívoo fóra de competición gran parte da tempada. A partir de 1953 a publicidade da súa vida sentimental complicaríalle a súa vida deportiva. En 1954 sería cuarto no Giro e en 1955 segundo.

Unha malaria mal curada contraída nunha cacería no antigo Alto Volta (Burkina Faso) acabaría coa súa vida aos 40 anos de idade.

Palmarés

1940 Giro de Italia e 1 etapa Campionato de Italia de persecución 1941 Campionato de Italia de persecución Tre Valli Varesine Giro d'Emilia Giro de Toscana Giro del Veneto Giro della Provincia di Milano 1942 Récord da hora Campión de Italia en ruta Campionato de Italia de persecución 1946 Milán-San Remo Giro da Lombardía GP das Nacións 2º no Giro de Italia, máis 3 etapas Giro della Romagna 1947 Giro de Italia e 3 etapas Campión de Italia en ruta Campionato Mundial de persecución Campionato de Italia de persecución Giro da Lombardía À travers Lausanne GP das Nacións Giro d'Emilia Giro del Veneto Giro della Romagna 1948 Milán-San Remo Tre Valli Varesine Giro da Lombardía 2 etapas no Giro de Italia e clasificación da montaña Subcampión de Italia de ciclismo en ruta Giro d'Emilia 1949 Tour de Francia , clasificación da montaña e 3 etapas Giro de Italia , clasificación da montaña e 3 etapas Milán-San Remo Giro da Lombardía Campionato Mundial de persecución Campión de Italia en ruta 3° Campionato del Mundo Giro del Veneto Giro della Romagna

1950 París-Roubaix Frecha Valoa Giro Reggio Calabria 1951 1 etapa no Tour de Francia e clasificación da montaña 2 etapas no Giro de Italia Gran Premio de Lugano (contra o reloxo) 1952 Tour de Francia , clasificación da montaña e 5 etapas Giro de Italia e 3 etapas Gran Premio de Lugano (contra o reloxo) 1953 Campión Mundial de ciclismo en ruta Giro de Italia e 3 etapas Trofeo Baracchi 1954 Giro da Lombardía 1 etapa no Giro de Italia e clasificación da montaña Trofeo Baracchi Coppa Bernocchi Sucampión de Italia de ciclismo en ruta Trofeo Baracchi Giro di Campania 1955 Campión de Italia en ruta Giro dos Apeninos 2º no Giro de Italia, máis 1 etapa Tre Valli Varesine Trofeo Baracchi Giro di Campania 1956 Gran Premio de Lugano (contra o reloxo) 1957 Trofeo Baracchi

Resultados nas grandes voltas e campionatos do mundo

Carreira	1940	1941	1942	1943	1944	1945	1946	1947	1948	1949	1950	1951	1952	1953	1954	1955	1956	1957	1958	1959
Giro de Italia	1º	X	X	X	X	X	2º	1º	Ab.	1º	Ab.	4º	1º	1º	4º	2º	-	-	32º	-
Tour de Francia	X	X	X	X	X	X	X	-	-	1º	-	10º	1º	-	-	-	-	-	-	-
Vuelta a España	X	-	-	X	X	-	-	-	-	X	-	X	X	X	X	-	-	-	-	Ab.
Mundial en Ruta	X	X	X	X	X	X	Ab.	-	Ab.	3º	-	-	-	1º	6º	-	15º	-	17º	-