Fantasmage
Fantasmage foi unha banda galega de garage punk formada en Vigo no ano 2011 e disolta en 2014.
| Fantasmage | |
|---|---|
| Orixe | Vigo,  Galicia |
| Período | 2011-2014 |
| Xénero(s) | garage punk |
| Selo(s) discográfico(s) | Discos Humeantes |
| Membros | Daniel Nicolás Andrés Magán |
| Na rede | |
| Bandcamp | |
Historia editar
Fantasmage formárona en 2011 o batería e vocalista Daniel Nicolás (Indómitos) e o guitarrista e vocalista Andrés Magán (Anenome).[1] Pouco despois editaron unha demo de catro temas, gravada por Manu G. Sanz (Indómitos) en Tomiño,[2] elixida pola revista Mondosonoro como a mellor demo do ano en Galicia-Castela e León.[3]
En abril de 2012 a banda publicou a través de Discos Humeantes o seu primeiro álbum, Fantasmage LP. Os seus temas foron gravados novamente por Manu G. Sanz entre decembro de 2011 e xaneiro de 2012.[4] Nese ano tamén colaboraron coa canción "Cambia de ciudad" no recompilatorio Galician Bizarre II.[5]
No mes de agosto de 2013 editaron un EP compartido de catro temas coa banda alicantina Futuro Terror. As dúas cancións dos galegos foron gravadas polos membros de Triángulo de Amor Bizarro Rodrigo Caamaño e Roberto Mallo en Abanqueiro, Boiro.[6] Ao mes seguinte publicaron outro EP compartido, desta vez cos madrileños Biznaga.[7]
O 1 de abril de 2014 a banda anunciou a súa disolución a través dunha mensaxe no seu perfil de Facebook.[8]
Discografía editar
| Álbum | Ano | Selo | |
|---|---|---|---|
| Demo | 2011 | autoeditado | |
| Fantasmage LP | 2012 | Discos Humeantes | |
| Fantasmage / Futuro Terror "Compartido" | 2013 | Discos Humeantes | EP compartido con Futuro Terror |
| Fantasmage / Biznaga 7" split | 2013 | Discos Walden | EP compartido con Biznaga |
Notas editar
- ↑ "Fantasmage". La Fonoteca. Consultado o 28 de setembro de 2018.
- ↑ "Demo by Fantasmage". Bandcamp. Consultado o 28 de setembro de 2018.
- ↑ "Resumen 2011". Mondosonoro (191): 25. Xaneiro de 2012.
- ↑ "Fantasmage LP by Fantasmage". Bandcamp. Consultado o 28 de setembro de 2018.
- ↑ "Galician Bizarre II". Bandcamp. Consultado o 28 de setembro de 2018.
- ↑ "Fantasmage / Futuro Terror "Compartido" 7"". Bandcamp. Consultado o 28 de setembro de 2018.
- ↑ "Club del Single #7: Otoño 2013 by Discos Walden". Bandcamp. Consultado o 28 de setembro de 2018.
- ↑ "Fantasmage hemos decidido parar". Facebook. Consultado o 28 de setembro de 2018.