Evgeny Morozov
Evgeny Morozov, nado en Salihorsk, Belarús, en 1984 é un escritor e investigador belaruso que estuda as implicacións políticas e sociais da tecnoloxía.[1]
.jpg)  | |
| Biografía | |
|---|---|
| Nacemento | 1984 (39/40 anos) Salihorsk (en)  |
| Datos persoais | |
| País de nacionalidade | Belarús |
| Educación | Universidade Harvard |
| Director de tese | Peter Galison (pt) e Samuel Moyn (pt) |
| Actividade | |
| Ocupación | escritor , xornalista , informático teórico |
| Lingua | Lingua belarusa, lingua inglesa e lingua rusa |
| Obra | |
Obras destacables
| |
Premios
| |
| Páxina web | evgenymorozov.net |
   | |
Traxectoria editar
Estudou na Universidade Americana de Bulgaria. Máis tarde viviu en Berlín e posteriormente trasladouse aos Estados Unidos. En 2009, foi elixido como un dos relatores da Conferencia TED onde falou de como a web inflúe na participación cidadá e na estabilidade do réxime en sociedades pechadas, autoritarias ou en países en transición.[2]
Os escritos de Morozov apareceron en varios xornais e revistas de todo o mundo, incluíndo The New York Times, The Wall Street Journal, Financial Times, The Economist, The Guardian, The New Yorker, San Francisco Chronicle e Frankfurter Allgemeine Zeitung.[3]
Pensamento editar
Morozov expresa o seu escepticismo sobre a opinión popular de que Internet axuda a democratizar os réximes autoritarios. Argumenta que tamén podería usarse como unha poderosa ferramenta para a vixilancia masiva, a represión política e a difusión da propaganda nacionalista e extremista. Indica que é inxenuo e mesmo contraproducente promover Internet para promover a democracia.[4]
En xaneiro de 2011, Morozov publicou o seu primeiro libro The net Delusion. The Dark Side of Internet Freedom. Nela, ademais de explorar o impacto de Internet nos estados autoritarios, indaga nas fontes intelectuais do entusiasmo sobre o potencial liberador de Internet, todas elas ligadas ao triunfalismo que seguiu ao final da Guerra Fría.[5] Morozov tamén argumenta contra a idea dos chamados ciberutópicos e do internetcentrismo.[6]
O solucionismo tecnolóxico editar
En marzo de 2013, Morozov publicou o seu segundo libro To Save Everithing, Click Here. Nel Morozov critica o que se chamou solucionismo tecnolóxico, a idea de que, como sinalou Tim Wu, a tecnoloxía é como o po máxico que pode solucionar calquera problema. Morozov cre que a tecnoloxía debe ser discutida xunto aos debates políticos, económicos, históricos e culturais.[7] Alec Ross no seu libro The Industries of Future acusouno de crear a base neoludita contra as empresas tecnolóxicas estadounidenses, avanzando así cara ás opinións oficiais de Rusia e Belarús.
Freedom as a Service. O novo feudalismo dixital e o futuro da cidade editar
No seu último libro publicado en inglés en 2022, Freedom as a Service,[8] Morozov identifica unha nova etapa do capitalismo que denomina o capitalismo orgánico. Baixo o capitalismo orgánico, o "populismo de plataformas" permite unha multitude de intervencións solucionistas. Os enfoques tecnocráticos combínanse cunha retórica de facer o ben e un capitalismo máis humano. Mentres crea a ilusión de que os usuarios están ao mando, o solucionismo simplemente monetiza o cambio de comportamento dos individuos. En realidade, está a subproducir solucións, porque nunca chegan a existir aquelas solucións estruturais que non son favorables ao capital.[9]
Notas editar
- ↑ "Evgeny Morozov". CCCB (en castelán). Consultado o 2023-04-18.
- ↑ "Profile". TED. Consultado o 13 de noviembre de 2009.
- ↑ "Privatheit wird Diebstahl". FAZ (en alemán). Consultado o 21 de mayo de 2014.
- ↑ Morozov, Evgeny (enero de 2011). "Freedom.gov". Foreign Policy. Arquivado dende o orixinal o 13 de setembro de 2011. Consultado o 23 de septiembre de 2011.
- ↑ Kane, Pat (7 de enero de 2011). "Review of The Net Delusion: How Not To Liberate The World by Evgeny Morozov". The Independent.
- ↑ Chatfield, Tom (8 de enero de 2011). "Review of The Net Delusion: How Not To Liberate The World, by Evgeny Morozov". The Observer.
- ↑ "Michael Meyer, "Evgeny vs. the Internet".". CJR. Columbia University Graduate School of Journalism. 2 de enero de 2014. Consultado o 3 de enero de 2014.
- ↑ Morozov, Evgeny (2017). Freedom as a service : the new digital feudalism and the future of the city. ISBN 0-374-28028-2. OCLC 1176370570. Consultado o 2023-03-23.
- ↑ "Freedom as a Service" (en inglés). Consultado o 2023-03-23.