Evaristo Martín Freire
Evaristo Martín Freire, nado en Piedrabuena (Cidade Real) o 29 de xuño de 1904 e finado en Madrid o 17 de agosto de 1972, foi un político español.
| Biografía | |
|---|---|
| Nacemento | 29 de xuño de 1904  Piedrabuena, España (pt)  |
| Morte | 17 de agosto de 1972 (68 anos) Madrid, España |
 Procurador en Cortes | |
| 13 de maio de 1949 – 7 de decembro de 1951 Lexislatura: III lexislatura das Cortes franquistas | |
| Procurador en Cortes | |
| 12 de maio de 1946 – 6 de abril de 1949 Lexislatura: II lexislatura das Cortes franquistas | |
| Gobernador civil da provincia da Coruña | |
| | |
| Datos persoais | |
| País de nacionalidade | España |
| Educación | Universidade Central |
| Actividade | |
| Lugar de traballo | Madrid |
| Ocupación | farmacéutico , político |
| Lingua | Lingua castelá |
Premios | |
Traxectoria editar
Nado nunha familia de alcaldes e grandes propietarios agrícolas e gandeiros, licenciouse en Farmacia na Universidade Central de Madrid en 1919 e doutorouse no mesmo centro en 1926. Á súa volta a Cidade Real, mercou unha farmacia que era o centro da vida política da cidade[1]
En 1931 comeza a militar no Partido Agrario Español, que despois formaría parte da CEDA. En 1936, cando estoura a Guerra civil española atópase en Portugal nunhas vacacións, e as súas propiedades en Cidade Real son incautadas pola República. Evaristo Martín alístase como voluntario no exército de Francisco Franco e ao rematar a contenda regresa a Cidade Real onde se incorpora á dirección provincial de Falanxe Española. En 1943 accede á presidencia da Deputación de Cidade Real, o que lle permite ser ademais procurador en Cortes. Ocupa este cargo durante oito anos ata que é destinado como gobernador civil ás Palmas. En 1954 trasládano a Alacant e finalmente en 1958 convértese en gobernador civil da Coruña.
Durante os oito anos que estivo de gobernador coruñés, Martín Freire promoveu a concentración parcelaria e instalouse na Coruña a refinaría de Petronor (actual Repsol). En 1966 Manuel Fraga lévao canda el para a estrutura administrativa do Ministerio de Información e Turismo. Logo da substitución de Fraga por Alfredo Sánchez Bella en 1969, presentou a súa dimisión (1972), e meses despois faleceu.
Notas editar
- ↑ González Madrid, D. (2006): "Evaristo Martín Freire (1904-1972). Semblanza de un 'poncio' manchego" Arquivado 24 de maio de 2010 en Wayback Machine.