Eugénie Cotton
Eugénie Elise Céline Fytis, nada en Soubise o 13 de outubro de 1881 e finada en París o 16 de xuño de 1967, coñecida como Eugénie Cotton, foi unha científica francesa, activista comunista, especialmente coñecida polo seu compromiso en defensa dos dereitos das mulleres.[1] Foi a primeira presidenta electa da Federación Democrática Internacional de Mulleres.
  | |
| Biografía | |
|---|---|
| Nacemento | 13 de outubro de 1881 Soubise, Francia |
| Morte | 16 de xuño de 1967 (85 anos) Sèvres, Francia |
Directora École normale supérieure de jeunes filles (en)  | |
| 1936 – 1941 ← Anne Amieux (pt) – Edmée Hatinguais (en) → | |
| Datos persoais | |
| País de nacionalidade | Francia |
| Educación | École normale supérieure de jeunes filles (en) |
| Actividade | |
| Ocupación | física , activista polos dereitos das mulleres |
| Empregador | École normale supérieure de jeunes filles (en) |
| Partido político | Partido Comunista Francés |
| Membro de | |
| Lingua | Lingua francesa |
| Obra | |
| Arquivos en | |
| Familia | |
| Cónxuxe | Aimé Cotton |
Premios | |
Traxectoria editar
Eugénie Feytis formouse na École normale supérieure de jeunes filles (ENSJF) en Sèvres iniciando os seus estudos en 1901. Foi alumna de Marie Curie, e coñeceu a Pierre Curie e Paul Langevin.[2] En 1904, foi aceptada por primeira vez no concurso para o profesorado sobre competencia feminina en ciencias físicas e naturais.[3] Foi profesora na universidade de Poitiers e logo na ENSJF onde se formou.
En 1913 casou con Aimé Cotton, físico, profesor na Facultade de Ciencias de París e na Escola normal superior en Saint-Cloud . En 1925, doutora en ciencias físicas, foi mestra de investigación no CNRS.[3] Converteuse en directora da ENSJF en 1936, participou na reforma dos estudos da muller, elevou o nivel de educación científica e desenvolveu o laboratorio e a investigación.[4] Foi obrigada a retirarse en 1941.
Activista comunista editar
Comprometida co Partido Comunista Francés, axudou aos antifascistas alemáns refuxiados en Francia desde 1933, e logo aos españois perseguidos polo xeneral Franco. Durante a segunda guerra mundial, o goberno de Vichy obrigou a Eugenie Cotton a abandonar o seu posto na Escola Normal Superior por retiro forzado en 1941. Pola súa banda, o seu marido foi arrestado dúas veces pola Gestapo[5].
En 1944 participou na fundación da Unión de mulleres francesas e converteuse na primeira presidenta da Federación Internacional Democrática de Mulleres cando se creou en 1945. Tamén foi vicepresidenta do Consello Mundial da Paz, onde desenvolveu unha importante actividade até a súa morte.
Recoñecementos editar
Durante a súa vida, Eugenie Cotton recibiu en 1950 o Premio Lenin da Paz . Cabaleiro da Lexión de Honra .
Despois da súa morte, varias escolas primarias na rexión de París foron renomeadas co seu nome que tamén se lle deu a unha universidade de Argenteuil, rúas e mesmo a un cráter de Venus.[6][7]
Arquivos editar
Os arquivos de Eugenie Cotton gárdanse na Biblioteca Marguerite Durand, 79 rue Nationale, no Distrito XIII de París[8].
Notas editar
- ↑ "Eugénie Cotton". 1967.
- ↑ "Eugénie Cotton, física". Consultado o 17 de marzo 2020.
- ↑ 3,0 3,1 Christine Bard dir., Annie Metz, Valérie Neveu (2006). Guide des sources de l'histoire du féminisme. Rennes: Presses Universitaires de Rennes. ISBN 2-7535-0271-4.
- ↑ "C'est qui Eugénie Cotton ?". Arquivado dende o orixinal o 16 de abril de 2016. Consultado o 12 de xaneiro de 2016.
- ↑ Louis de Broglie. "Notice sur la vie et l'œuvre d'Aimé Cotton" (pdf). Consultado o 12 de xaneiro de 2016.
- ↑ (en inglés) FindTheData : Where does the name for the astrogeological feature Cotton come from?[Ligazón morta]
- ↑ "Working Group for Planetary System Nomenclature" (PDF). Consultado o 17 marzo 2020.
- ↑ "Bibliothèque Marguerite Durand". Arquivado dende o orixinal o 01 de xaneiro de 2017. Consultado o 17 novembro 2016.
Véxase tamén editar
Bibliografía editar
- Loukia Efthymiou, Eugènie Cotton (1881-1967): Histoires d’une vie - Histoires d’un siècle, Éditions universitaires européennes, 2019, 459 p.