Ettore Lorenzo Frapiccini
Ettore Lorenzo Frapiccini, nado en Buenos Aires, Arxentina, o 17 de novembro de 1957, é un gravador, medallista e deseñador de moedas italiano.
| Biografía | |
|---|---|
| Nacemento | 17 de novembro de 1957  (66 anos)Buenos Aires, Arxentina |
| Datos persoais | |
| País de nacionalidade | Italia |
| Actividade | |
| Ocupación | medallista |
| Lingua | Lingua italiana |
Traxectoria editar
Aínda que naceu en Buenos aires en 1957, no seo dunha familia de orixe italiana, Frapiccini viviu en Italia desde 1964.[1]
Herdou do seu pai pintor a súa afección pola arte. Na súa xuventude asistiu ao Instituto Estatal de Arte de Macerata e, logo dun período universitario, cursou estudos de medallística na Escola de Arte da Medalla Giuseppe Romagnoli, da Casa da Moeda do Estado, en Roma, entre 1979 e 1981.[1]
Posteriormente traballou como gravador nos establecementos Emilio Senese, de Milán, e Pacchiani e Barlacchi, de Florencia, ata que en 1984 ingresou no cadro de gravadores do Istituto Poligrafico e Zecca dello Stato.[1]
Obra editar
Frapiccini ié autor dun bo número de moedas, tanto circulantes como conmemorativas, cuñadas non só para Italia senón tamén para a Cidade do Vaticano e para a República de San Marino.[1][3]
Entre os seus traballos máis salientables están as moedas italianas de 200 liras conmemorativas de 1997[2] e de 1999,[4] o anverso da moeda de cinco céntimos de euro de Italia que amosa unha vista do Coliseo romano,[5] ou os anversos da serie ordinaria en euros de San Marino.[3]
Notas editar
- ↑ 1,0 1,1 1,2 1,3 "Ettore Lorenzo Frapiccini". Mebnet.altervista.org
- ↑ 2,0 2,1 "200 Lire Italian Naval League". Numista.com
- ↑ 3,0 3,1 Catálogo de moedas deseñadas por Frapiccini. Numista.com
- ↑ "200 Lire Carabinieri Art Squad". Numista.com
- ↑ "5 Euro Cent". Numista.com
Véxase tamén editar
Wikimedia Commons ten máis contidos multimedia na categoría: Ettore Lorenzo Frapiccini  |