Estrinximento
O estrinximento[1] (do latín: stringĕre, apertar, comprimir) ou apertamento,[2] é unha condición que consiste na falta de movemento regular dos intestinos, o que produce unha defecación infrecuente ou con esforzo, xeralmente de feces escasas e duras. A frecuencia defecatoria normal varía entre persoas, dende un par de veces ao día até tres veces á semana. Pode considerarse un trastorno segundo altere ou non a calidade de vida. O termo médico desta condición é constipación.[3]
| Estrinximento | |
|---|---|
| Clasificación e recursos externos | |
 Estrinximento visto a través de raios X. Os círculos sinalan áreas de materia fecal (as feces están rodeadas de branco debido ao gas dos intestinos). | |
| DiseasesDB | 3080 |
| MedlinePlus | 003125 |
 Se cre que pode requirir tratamento, por favor, consúltello ao médico. | |
Concepto editar
Unha persoa estrinxida ten menos evacuacións do normal. A defecación é dura e seca, e ás veces é doloroso expulsala. A persoa pode sentirse inchada e tensa.
Aínda que cada organismo ten un número regular de evacuacións, unha persoa saudable pode defecar sen problemas un mínimo de dúas veces ao día. Todo depende dos alimentos que consuma ou canto exercicio faga, ademais doutros factores.
Etioloxía editar
O estrinximento non é unha doenza, senón un síntoma con moitas causas. A miúdo prodúcese por inxerir alimentos con pouca cantidade de fibra, falta de exercicio físico, inxesta de pouco líquido (sobre todo auga) ou demorar a defecación. Tamén é frecuente durante o embarazo. Algúns medicamentos poden causar estrinximento, como a codeína, certos antidepresivos que poden suprimir a acetilcolina e os opiáceos que poden retardar o movemento de alimentos no intestino. O estrinximento como resultado dunha escasa deambulación ou a inmobilidade debe ser considerado especialmente nos anciáns.
Diversas enfermidades poden provocar estrinximento, tales como:[4]
- A síndrome do intestino irritable.[5]
- A enfermidade celíaca. En ocasións, pode ser moi rechamante e constituír o síntoma principal.[6]
- A sensibilidade ao glute non celíaca.[5]
- O hipotiroidismo.
- Certos trastornos neurolóxicos.
- O cancro de colon.
Notas editar
- ↑ Definicións no Dicionario da Real Academia Galega e no Portal das Palabras para estrinximento.
- ↑ Definicións no Dicionario da Real Academia Galega e no Portal das Palabras para apertamento.
- ↑ Definicións no Dicionario da Real Academia Galega e no Portal das Palabras para Constipación.
- ↑ Dugdale III DC, Zieve D. Estreñimiento. MedlinePLus. 9/2/2012.
- ↑ 5,0 5,1 Makharia A, Catassi C, Makharia GK (10 de decembro de 2015). "The Overlap between Irritable Bowel Syndrome and Non-Celiac Gluten Sensitivity: A Clinical Dilemma". Nutrients (Revisión) 7 (12): 10417–26. PMC 4690093. PMID 26690475. doi:10.3390/nu7125541.
- ↑ Rodrigo, Luis; Garrote, José A.; Vivas, Santiago (setembro de 2008). "Enfermedad Celíaca". Med Clin (Barc) (Revisión) (Barcelona, España) 131 (7): 264-70. PMID 18775218. Arquivado dende o orixinal o 29 de novembro de 2014. Consultado o 7 de xullo de 2017.