Esteban Yáñez
Esteban Yánez Pazos, nado en Ferrol en 1984 e finado en Santiago de Compostela o 21 de abril de 2020[1], foi un actor, músico e blogueiro galego.
| Biografía | |
|---|---|
| Nacemento | (gl) Esteban Yáñez Pazos  1984 Ferrol, España |
| Morte | 21 de abril de 2020 (35/36 anos) Santiago de Compostela, España |
| Causa da morte | Morte natural (COVID-19 ) |
| Datos persoais | |
| País de nacionalidade | España |
| Actividade | |
| Ocupación | escritor , blogueiro , músico |
| Membro de | |
| Lingua | Lingua galega |
| Participou en | |
| 1 de decembro de 1995 | Pratos combinados |
| 18 de abril de 1994 | Xabarín Club |
  | |
Lista
| |
Traxectoria editar
Na súa adolescencia, participou no programa infantil e xuvenil da TVG Xabarín Club como "Arroz Hacker"[2]. Tamén foi actor na serie da televisión autonómica galega Pratos combinados[3].
Con 18 anos comezou a súa traxectoria no mundo dos blogs con “Soy un snob neurótico” na plataforma Blogspot. En 2004 abriu a bitácora “Imbéciles e escuros”. Tamén abriu blogs en Blogaliza e Tumblr. Entre os seus proxectos musicais estivo Os Megaloves, dúo que uniu a Yánez, co seu alcume Snob Megalove, e Vil Megalove. En 2009 comezou o podcast “Amor en bruto”, e como DJ Pezuñitas facía seleccións musicais en Last.fm e Spotify. Era membro do comité de redacción da revista Luzes[4][5], e entre as numerosas iniciativas nas que participaba estaba a Comisión de Historia da Gentalha do Pichel[6]. Nos últimos anos estivo activo na rede social Twitter como @Snob[7][8].
Finou o 21 de abril de 2020 no Hospital Clínico Universitario de Santiago de Compostela vítima da COVID-19 aos 35 anos[9][10].
Notas editar
- ↑ "Muere Esteban Yánez, actor gallego, a los 35 años por COVID-19". Europa Press. 22/04/2020. Consultado o 20/05/2020.
- ↑ "Morre aos 35 anos o actor e músico galego Esteban Yáñez". La Voz de Galicia. 22/04/2020. Consultado o 20/05/2020.
- ↑ "Muere Esteban Yáñez, actor en 'Xabarín Club' y 'Pratos Combinados', a los 35 años por coronavirus". 20 Minutos. 22/04/2020. Consultado o 20/05/2020.
- ↑ Pereiro, Xosé Manuel. "Twitter Xosé Manuel Pereiro". Twitter.
- ↑ "Muere el actor Esteban Yáñez a los 35 años, la víctima gallega más joven del coronavirus". Faro de Vigo. 22/04/2020. Consultado o 20/05/2020.
- ↑ "Pesar polo falecemento do actor e músico Esteban Yáñez aos 35 anos". Nós Diario. 21/04/2020. Consultado o 20/05/2020.
- ↑ Yáñez, María. "Esteban Yáñez. O tipo máis querido e brillante da internet galega". VINTE - Praza Pública. Consultado o 20/05/2020.
- ↑ "@Snob". Twitter. Consultado o 20/05/2020.
- ↑ "Muere el actor Esteban Yáñez víctima del coronavirus a los 35 años". ABC. 22/04/2020. Consultado o 20/05/2020.
- ↑ "Esteban Yáñez, el actor gallego que marcó a una generación con sus programas infantiles". El Español. 22/04/2020. Consultado o 20/05/2020.