Estádio do Dragão

O Estádio do Dragão é un estadio de fútbol portugués localizado en Porto, con capacidade para 50.399 espectadores. Serve de localía ao FC Porto.

Estádio do Dragão
Datos
Localización	Porto, Portugal
Construción
Inauguración	16 de novembro de 2003
Arquitecto	Manuel Salgado
Custo	98 millóns de euros
Estadio
Superficie	Herba
Dimensións	105 x 68
Capacidade	52.000
Propietario	FC Porto
Localía	FC Porto (2003– )
Eventos
Eurocopa 2004

Historia

O estadio construíuse para substituír o vello Estádio das Antas, e inaugurouse o 16 de novembro de 2003 nun encontro amigable do FC Porto contra o FC Barcelona, partido no que debutou Lionel Messi no conxunto catalán.

Nel xogáronse 5 encontros da Eurocopa 2004 organizada por Portugal. Un deses encontros foi o inaugural do torneo, que enfrontou a Portugal con Grecia. Outros encontros foron o Italia-Suecia, o Alemaña-Países Baixos, o Chequia-Dinamarca de cuartos de final e o Grecia-Chequia das semifinais.

Interior do Estadio do Dragão.

Eurocopa 2004

Artigo principal: Eurocopa de Fútbol Portugal 2004.

Partidos

O Estádio do Dragão albergou durante o campionato cinco encontros: tres encontros da fase de grupos, entre eles o partido inaugural do torneo, un de cuartos de final e unha semifinal. Os partidos foron os seguintes:

Data	Fase	Equipo		Resultado		Equipo	Espectadores
12 de xuño	Primeira rolda	Portugal		1–2		Grecia	48.761
15 de xuño	Primeira rolda	Alemaña		1–1		Países Baixos	48.197
18 de xuño	Primeira rolda	Italia		1–1		Suecia	44.926
27 de xuño	Cuartos de final	República Checa		3–0		Dinamarca	41.092
1 de xullo	Semifinal	Grecia		1–0		República Checa	42.449

Véxase tamén

Ligazóns externas

• Datos do estadio na páxina do FC Porto