O esporófito é unha fase diploide multicelular que ten lugar nas plantas, e naquelas algas que comparten coas primeiras a presenza de alternancia de xeracións heterofásica.

Diagrama esquemático do ciclo de vida haplo-diplonte (con alternancia de xeracións multicelulares).
Referencias:
n : xeración haploide (gametofítica),
2n : xeración diploide (esporofítica),
m! : mitose,
M! : meiose,
F! : fecundación
círculo: primeiro estadio do ciclo de vida, unicelular
cadrado: estadios seguintes do ciclo de vida, multicelulares

Esta fase produce por meiose esporas haploides (meiosporas), do desenvolvemento das cales derivan individuos haploides, chamados gametófitos.

Un esporófito desenvólvese por proliferación celular (mitose) a partir dun cigoto, formado por fecundación, é dicir, a fusión de dous gametos ou células sexuais haploides, orixinados en órganos especializados chamados gametanxios que se desenvolven sobre os gametófitos.

Bibliografía editar

  • P. Kenrick & P.R. Crane (1997) The origin and early evolution of plants on land. Nature 389, 33-39.
  • T.N. Taylor, H. Kerp e H. Hass (2005) Life history biology of early land plants: Deciphering the gametophyte phase. Proceedings of the National Academy of Sciences 102, 5892-5897.
  • P.R. Bell & A.R. Helmsley (2000) Green plants. Their Origin and Diversity. Cambridge University Press ISBN 0-521-64673-1