Antonio Beduzzi
pintor italiano
Antonio María Nicolao Beduzzi, nado en Boloña en 1675 e finado en Viena o 4 de marzo de 1735, foi un pintor, escenógrafo e arquitecto italiano do barroco, posteriormente nacionalizado austríaco, que estivo activo en Viena a principios do século XVIII.[1][2]
  | |
| Biografía | |
|---|---|
| Nacemento | 1675 Boloña |
| Morte | 4 de marzo de 1735 (59/60 anos) Viena |
| Datos persoais | |
| País de nacionalidade | Austria |
| Educación | Universidade de Boloña |
| Actividade | |
| Ocupación | arquitecto , pintor , enxeñeiro |
Logo de pasar a súa infancia en Boloña, despois da súa graduación trasladouse a Viena, onde sucedeu a Lodovico Burnacini como arquitecto da corte vienesa en 1708.
Foi alumno de Giovanni Gioseffo dal Sole.
Obras editar
Entre as súas obras máis representativas cómpre salientar as seguintes:
- O interior e o altar da abadía de Melk, logo da reconstrución barroca de Jakob Prandtauer.[3][4]
- A igrexa de San Leopoldo en Klosterneuburg, preto de Viena.
- O museo da catedral de Passau, en Viena.
- O proxecto para o teatro vienés Kärntnertortheater (actualmente Hotel Sacher).
- Os frescos de Landhaussaal no Palais Niederösterreich de Viena.
- O fresco na cúpula do Santuario de María Taferl que representa a asunción de María e oito escenas da súa vida.
- O fresco na bóveda da nave central do Santuario de María Taferl que representa a apoteose de San Xosé.
Notas editar
- ↑ Stevens, Ursula. "Antonio Peduzzi". En Tessinerkuenstler-ineuropa.ch. 2016 (en alemán)
- ↑ "Beduzzi, Antonio Maria Nicolao". En Union List of Artist Names (en inglés)
- ↑ "Escultura y arte en Melk". En Esculturayarte.com (en castelán)
- ↑ Cook, Thomas. Viena. Ed. Granica. Barcelona, 1997. Páxina 35 [ISBN 84-7577-362-1] (en castelán)
Véxase tamén editar
Wikimedia Commons ten máis contidos multimedia na categoría: Antonio Beduzzi  |
Bibliografía editar
- Wodarz-Eicher, Eva. Narrenweisheit im Priestergewand. Herbert Utz Verlag. Múnic, 2007 [ISBN 978-3-8316-0660-3]
Ligazóns externas editar
- Biografía de Antonio Beduzzi. Universidade de Innsbruck (en alemán)