Elisaveta Bikova
Elisaveta Ivanovna Bikova (en ruso: Елизаве́та Ива́новна Бы́кова), nada o 4 de novembro de 1913 e finada o 8 de marzo de 1989, foi unha xadrecista soviética, dúas veces Campioa Mundial de Xadrez Feminino, de 1953 a 1956 e de 1958 a 1962. Recibiu os títulos de Mestra Internacional Feminina en 1950, Mestre Internacional en 1953 e Gran Mestra Feminina en 1976.[1] En 2013 foi incluída no Salón Mundial da Fama do Xadrez.[2]
  | |
| Biografía | |
|---|---|
| Nacemento | 4 de novembro de 1913 Bogolyubovo, Rusia (en)  |
| Morte | 8 de marzo de 1989 (75 anos) Moscova, Rusia |
| Lugar de sepultura | Cemitério Khovanskoye (pt) |
| Datos persoais | |
| País de nacionalidade | Unión Soviética |
| Actividade | |
| Ocupación | xadrecista , escritora de non ficción |
| Nacionalidade deportiva | Unión Soviética |
| Deporte | xadrez |
| Título de xadrecista | Woman Master of Sport of USSR in Chess (en) (1950) Mestra Internacional Femenina (1950) Mestre Internacional (1953) Gran Mestra Feminina (1976) |
Premios | |
 | |
Traxectoria editar
Bikova naceu no seo dunha familia campesiña. Con doce anos mudáronse a Moscova, onde empezou a xogar ao xadrez co seu irmán. O seu talento fíxose evidente en 1927, cando gañou o campionato de xadrez da súa escola.[3]
En 1938 gañou o campionato feminino de Moscova e despois da segunda guerra mundial foi tres veces gañadora do Campionato Soviético Feminino de Xadrez (1946, 1947 e 1950).
En 1952 gañou o torneo feminino de Candidatos en Moscova. En 1953 derrotou en Leningrado a entón campioa mundial Liudmila Rudenko con sete vitorias, cinco derrotas e dúas táboas. Perdeu o título ante Olga Rubtsova en 1956, mais gañouno de novo dous anos despois, co que se converteu na primeira muller en facelo.
En 1960 defendeu con éxito o título ante Kira Zvorikina (+6 -2 =5), mais en 1962 perdeuno ante a moza Nona Gaprindashvili, de 21 anos (+0 -7 =4).
Traballou de enxeñeira nunha destacada imprenta de Moscova, e foi tamén autora e columnista sobre xadrez na URSS. Apaixonada polo xadrez feminino, Bikova escribiu tres libros sobre Vera Menchik, xadrecistas soviéticas e o Campionato Mundial Feminino. Tamén promoveu o xadrez a través de conferencias e da organización de torneos.[2]
Notas editar
- ↑ Sunnucks, Anne (1970). The Encyclopaedia of Chess (en inglés). St. Martin's Press. ISBN 9780709146971.
- ↑ 2,0 2,1 "Elizaveta (Elizabeth) Bykova". World Chess Hall of Fame.
- ↑ "Fifth Bykova Memorial – the glamour tournament of the year". Chessbase (en inglés). 1 de novembro de 2008.