Eliezer Setton
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2022.) |
Este artigo é orfo, xa que carece doutros artigos que apunten cara a el. Por favor, engade ligazóns a esta páxina desde outros artigos relacionados con este. |
Eliezer Otílio Setton, nado en Maceió o 21 de xaneiro de 1957, é un cantante e compositor brasileiro de forró.
Nome orixinal | (pt) Eliezer Otílio Setton (pt) Eliezer Setton |
---|---|
Biografía | |
Nacemento | 21 de xaneiro de 1957 (67 anos) Maceió, Brasil |
Datos persoais | |
País de nacionalidade | Brasil |
Actividade | |
Ocupación | compositor , cantante |
Xénero artístico | Forró |
Lingua | Lingua portuguesa |
Traxectoria editar
Fillo de Salomão Setton Neto, que foi Rei Momo no carnaval de Maceió durante 19 anos consecutivos, e de Terezinha Otílio Setton, Eliezer Setton comezou a compor en 1976 e o ano seguinte participou no seu primeiro festival de música, o que resultou na súa primeira gravación, Desesperança, e a entrada no xa existente Grupo Terra, un fito da cultura alagoana de finais da década de 1970 e o inicio da de 1980.
En 1983, despois de distinguirse no IV Festival Universitario de Música, promovido polo Directorio Central Estudantil da Universidade Federal de Alagoas, conquistando o segundo e terceiro posto como compositor, alén do premio ao mellor intérprete, aventurouse como músico nocturno actuando en Maceió, São Paulo (1984) e Río de Xaneiro (1985-1989), facendo o tradicional voz e violón. De volta a Maceió, en 1989, continuou actuando en festivais, culminando coa participación no Canta Nordeste (transmitido en directo pola Rede Globo para toda a rexión), quedando finalista en 1994 e 1995 coas cancións Serra Pau e Quem dera que sesse, respectivamente.
Compositor ecléctico, é na música nordestina onde máis se distinguiu. Da colaboración con Pedro Sertanejo, pai de Oswaldinho do Acordeon, xurdiu Campo Formoso, gravado por Eliezer nun disco de Pedro Sertanejo, en 1982. Da colaboración con Oswaldinho do Acordeon, naceu, entre outras, Na hora H, canción que Elba Ramalho gravou en 1992 e presentou para o VI Premio SHARP. Elizer converteuse nun dos referentes do forró e numerosos intérpretes gravaron os seus temas.
En 2009, Eliezer amplía o seu abano de xéneros e grava o CD "Brasil - Hinos à Paisana", cun repertorio que atinxe dez dos máis representativos himnos do cancioneiro cívico brasileiro.
En 2011, Eliezer volta ao forró co CD "O Quelso", que presenta unha versión da popular "My way", co título "Bem a meu jeito".
Discografía editar
- 1996: Cio do Grão
- 1998: Das Coisas da Minha Terra
- 2000: Ventos do Nordeste
- 2003: Oração do Forró
- 2004: O Carnaval Alagoano de Eliezer Setton
- 2005: Amores do Meu Forró
- 2009: Brasil - Hinos à Paisana
- 2010: Alagoaníssimo
- 2011: O Quelso
Notas editar
Ligazóns externas editar
- Dicionario Cravo Albin da Música Popular Brasileira Arquivado 23 de setembro de 2014 en Wayback Machine.
- Luciano Pires- Café Brasil