El Internado
El Internado foi unha serie de televisión producida por Globomedia para a cadea española de Antena 3, emitida entre o 24 de maio de 2007 e o 13 de outubro de 2010.
| El Internado | |
|---|---|
 Os protagonistas na primeira tempada | |
| Formato | Drama-Misterio (1ª a 6ª tempada) Acción (7ª tempada) |
| Creado por | Globomedia |
| Intérpretes | Luis Merlo Marta Torné Martiño Rivas Ana de Armas Raúl Fernández Yon González Elena Furiase Blanca Suárez Irene Montalà Javier Ríos Cristina Marcos Carlota García Denisse Peña Ismael Martínez Javier Cidoncha Sergio Murillo Yolanda Arestegui Nani Jiménez José Ángel Trigo Iñaki Font Amparo Baró |
| País de orixe | España |
| Episodios | 71 (en 7 tempadas) |
| Produción | |
| Duración | 75 min aprox. |
| Emisión orixinal | |
| Canle de orixe | .svg){kind=small} Antena 3 |
| Formato de imaxe | 720p HDTV |
| Primeiro episodio | 24 de maio de 2007 |
| Derradeiro episodio | 13 de outubro de 2010 |
| Na rede | |
| https://www.antena3.com/series/el-internado/ | |
      | |
| [ editar datos en Wikidata ] | |
A estrea das sucesivas tempadas produciuse os días 7 de novembro de 2007 (2ª), 23 de abril (3ª), 22 de outubro de 2008 (4ª), 12 de maio de 2009 (5ª), 16 de novembro de 2009 (6ª) e 2 de xuño de 2010 (7ª). O 13 de outubro de 2010 despediuse cun final feliz, exceptuando a morte de Fermín, un dos personaxes protagonistas.
É a segunda serie máis cara de España cun orzamento de 600.000 euros por capítulo e é considerada unha das mellores series da televisión española.[1]
Argumento editar
Comeza un novo curso no internado La Laguna Negra, un prestixioso centro educativo emprazado en metade dun bosque onde estudan os fillos das familias máis influentes do país. Os integrantes do centro, alumnos, profesores e o persoal que traballa alí volven verse, dispostos a iniciar o curso con ilusión.
Este ano, chegan dous novos alumnos ao internado: Marcos Novoa Pazos e a súa irmá Paula, quen teñen que iniciar unha nova vida tras a desaparición dos seus pais. Tamén acaba de vir a nova moza da limpeza, María, unha moza de pasado turbio da que o centro descoñece que se fuxiu dun hospital psiquiátrico, e que veu ao internado buscando ao seu fillo.
Por outra banda, algúns dos alumnos irán descubrindo, por mor da desaparición dun ancián profesor, un misterio que se oculta na Laguna Negra, sen ser conscientes do perigo que corren debido a unha organización que busca uns tesouros ocultos no internado e outra que, supostamente, trafica con órganos infantís. Matan a un dos alumnos e queren acabar cos demais. Pero o inimigo está máis preto do que eles cren, xa que, neste internado, nada é o que parece ser e algunhas persoas non son quen din ser xa que esas persoas traballan no Proyecto Géminis.
Localización editar
O Internado Laguna Negra é un prestixioso centro educativo emprazado na metade dun bosque onde estudan os fillos das familias máis influentes de España. É un internado de primaria, secundaria e preparatoria no que estudan alumnos de 6 a 18 anos. Residen máis de 400 persoas no internado, entre encargados, profesores e alumnos.
Os exteriores da serie foron rodados no campus de La Berzosa da Universidade Antonio de Nebrija en Hoyo de Manzanares, Madrid.
Emisións a nivel internacional editar
México editar
O 25 de maio de 2009 estreouse a serie na cadea mexicana Azteca 7, ás 8:00[2]. A canle mexicana xa terminou de transmitir a cuarta tempada. Para a estrea da quinta tempada non se programou ningunha data. Pasábase de luns a xoves nun horario de 7:00 a 8:00 pm., e os venres transmitíase (no mesmo horario) o "Maratón El Internado", na sección chamada "Viernes Irreversible", o cal era un reconto dos catro capítulos transmitidos durante a semana. Actualmente non se transmite en ningún horario.
Europa Central editar
A serie tamén se emitirá proximamente, a través de AXN Central Europe en varios países de Europa Central como Hungría, República Checa, Eslovaquia, Polonia, Romanía ou Bulgaria.
Asia editar
Está prevista a emisión da serie orixinal en Vietnam a través da canle VTC9.
Suramérica editar
Actualmente, a cuarta tempada estase emitindo a traves da canal 201 do sistema de Tv Satelital DirecTV, na Arxentina. E en Chile atraves do canal 13.
Estados Unidos editar
A serie non se vendeu a Estados Unidos, aínda que existen contactos da produtora española Globomedia con canles e produtoras americanas para adaptar ou co-producir esta serie.
Francia editar
Farase unha versión francesa do Internado que se chamará L'Internat na cadea M6. A estrea está prevista para finais de 2009.
Repercusión editar
Para Antena 3 foi a súa mellor estrea de ficción desde hai 3 anos, superando sempre os 3 millóns de espectadores, chegando ata, en seis ocasións, a superar os 4 millóns. É unha das series de maior éxito da historia da cadea e é gañadora de diferentes premios, entre eles o Ondas.
Repartimento editar
Alumnos editar
- Martiño Rivas como Marcos Novoa Pazos
- Yon González como Iván Noiret León
- Ana Celia de Armas como Carolina Leal Solís
- Elena Furiase como Victoria Martínez González
- Blanca Suárez como Julia Medina Jiménez
- Daniel Retuerta como Roque Sánchez Navas
- Carlota García como Paula Novoa Pazos
- Denisse Peña como Evelyn Pons
- Sergio Murillo como Javier Holgado
- Javier Cidoncha como Lucas Álvarez Yerena
Profesores e traballadores editar
- Natalia Millán como Elsa Fernández Campos
- Amparo Baró como Jacinta García
- Marta Torné como María Almagro
- Raúl Fernández como Carlos Almansa/Fermín de Pablo
- Marta Hazas como Amelia Ugarte
- Carlos Leal como Jacques Noiret
- Lola Baldrich como Lucía García
Outros editar
- Luis Mottola como Andrés Novoa Setién
- Yolanda Arestegui como Sandra Pazos/Irene Espí
- Jesús Fuente como Ritter Wulf/Santiago Pazos
- Manuel de Blas como Saúl Pérez Sabán
Capítulos e audiencias editar
| Tempada | Capítulos | Espectadores | Share |
|---|---|---|---|
| Primeira | 1-6 | 4 077 000 | 23,8% |
| Segunda | 7-14 | 3 612 000 | 20,2% |
| Terceira | 15-23 | 3 421 000 | 20,4% |
| Cuarta | 24-34 | 3 893 000 | 22,0% |
| Quinta | 35-43 | 3 163 000 | 18,4% |
| Sexta | 44-56 | 2 929 000 | 16,5% |
| Sétima | 57-71 | 2 500 000 | 15,0% |
| Media | 71 | 3 371 000 | 19,4% |
Premios e nomeamentos editar
- Premio Ondas 2007 á mellor serie española
- Fotogramas de Prata
- Mellor actor de televisión: Luis Merlo
- Mellor actriz de televisión: Amparo Baró
- TP de Ouro:
- 2008: Mellor actriz: Amparo Baró
- 2007: Mellor serie nacional
- Premios Vieira de Plata 2008
- Mellor actor revelación: Martiño Rivas
- Premios Glamour 2008
- Premio revelación: Marta Torné
- Festival de cine e televisión de Islantilla
- 2009: Premio revelación: Martiño Rivas
- 2008: Mellor actor de televisión: Luis Merlo
- Festival de Televisión de Montecarlo 2009
- Nomeamentos á Ninfa de Ouro ó mellor actor: Raúl Fernández e Yon González
- Nomeamentos á Ninfa de Ouro á mellor actriz: Blanca Suárez e Marta Torné
- Nomeamento á Ninfa de Ouro ó mellor produtor europeo
- Nomeamento á Ninfa de Ouro ó mellor produtor nacional
- Premios ATV 2008
- Nomemamento á Mellor serie nacional
- Premio á Mellor direccion de fotografía e iluminación: David Arribas
- Premio á Mellor dirección de arte e escenografía: Fernando Gonzalez
- Premios Muller Cosmopolitan 2009
- Mellor actriz de televisión: Ana de Armas
Notas editar
- ↑ "Os secretos de 'El Internado'".
- ↑ "Páxina oficial de 'El Internado' en tv azteca.com". Arquivado dende o orixinal o 09 de xaneiro de 2010. Consultado o 30 de novembro de 2009.