El Fomento
El Fomento foi un semanario editado en Ordes entre 1878 e 1880.
| El Fomento | |
|---|---|
| [ editar datos en Wikidata ] |
Historia e características editar
Subtitulado Semanario de intereses morales y materiales, apareceu en xullo de 1878. Dirixido por Ríos. Periódico semanal de inspiración republicana e anticlerical. Conseguiu pronto a inimizade do cardeal Miguel Payá y Rico, foi suspendido en agosto dese ano e denunciado na Audiencia por infrinxir a Lei de Imprenta. Volveu aparecer co número 6 a mediados de novembro, logo dunha suspensión xudicial de dous meses e medio. Novamente foi apercibido coa suspensión. A partir de decembro de 1879 dedicouse ás cuestións políticas e o número 58, correspondente ao 22 de decembro, foi multado e secuestrado polo alcalde e denunciado polo fiscal ante o Xulgado. En xaneiro de 1880 foi excomungado polo cardeal Payá[1]. Foi condenado en febreiro polo Tribunal de Imprenta a 75 números de suspensión. Durante a suspensión apareceu para substituílo Fray Junípero. Volveu editarse en maio, pero en xuño foi suprimida a súa publicación por orde do Alcalde de Ordes.
Notas editar
- ↑ "El Diario de Santiago, La Reforma y El Fomento de Ordenes". Gaceta de Galicia (290): 1. 12 de xaneiro de 1880. Consultado o 15 de decembro de 2013.
Véxase tamén editar
Bibliografía editar
- "Fomento, El". Enciclopedia Galega Universal. Ir Indo. 1999-2002. ISBN 84-7680-288-9.
- Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.