Edward Dodwell

Edward Dodwell, nado o 30 de novembro de 1767 e finado o 13 de maio de 1832, foi un pintor, viaxeiro e escritor irlandés sobre arqueoloxía.

Edward Dodwell

Biografía
Nacemento	30 de novembro de 1767 Dublín
Morte	13 de maio de 1832 (64 anos) Roma
Datos persoais
País de nacionalidade	Reino Unido de Gran Bretaña e Irlanda
Educación	Trinity College
Actividade
Ocupación	pintor , escritor , debuxante , arqueólogo
Membro de	Instituto Arqueolóxico Alemán Academia Prusiana das Ciencias
Lingua	Lingua inglesa

Traxectoria

Pintura do bazar de Atenas, de Dodwell.

Familia e formación

"Fronte occidental do Partenón", Views in Greece, Londres 1821

Dodwell naceu en Irlanda e pertencía á mesma familia que Henry Dodwell, o teólogo. Estudou no Trinity College de Cambridge.

Carreira

Dodwell viaxou de 1801 a 1806 a Grecia, que entón formaba parte do Imperio Otomán, e pasou o resto da súa vida na súa maior parte en Italia, en Nápoles e Roma. Morreu en Roma polos efectos dunha enfermidade contraída en 1830 durante unha visita de exploración ás montañas Sabinas. A viúva de Dodwell, filla do conde Giraud e trinta anos menor que el, fíxose posteriormente famosa como a "fermosa" condesa de Spaur, e xogou un papel considerable na vida política da cidade papal.

Dodwell publicou A Classical and Topographical Tour through Greece (1819), do que apareceu unha tradución ao alemán en 1821; Vistas en Grecia (Views in Greece), con trinta láminas de cores (1821); e Vistas e descricións de restos cíclopes ou pelásxicos en Italia e Grecia (Views and Descriptions of Cyclopian or Pelasgic Remains in Italy and Greece, Londres e París, con texto francés, 1834).

Véxase tamén

• Pintor de Dodwell

Ligazóns externas

• Copias facsimil das primeiras edicións dos tres libros de Dodwell