Economía de Marrocos
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2017.) |
Marrocos pertence ao grupo de países emerxentes, cun sistema económico mixto. Desde o 1993 o goberno seguiu unha política de privatización das empresas públicas, así como da liberalización de moitos sectores da economía.
| Economía de Marrocos | |
|---|---|
| Moeda | Dirham |
| Organizacións comerciais de que fai parte | OMC, GAFTA |
| Datos estatísticos[1] | |
| PIB | 153,8 mil millóns (2010) |
| Posición do PIB | 58ª no mundo[2] |
| Crecemento do PIB | 4,2% (2010) |
| PIB per cápita | $ 4.900 (2010) |
| PIB por sector | agricultura 17,1%, industria 31,6%, comercio e servizos 51,4% (2010) |
| Inflación | 2,5% (2010) |
| Poboación abaixo da limiar de pobreza | dato non dispoñíbel |
| Total da forza de traballo | 11,63 millóns (2010) |
| Forza de traballo por sector | agricultura 44,6%, industria 19,8%, comercio e servizos 35,5% (2006) |
| Desemprego | 9,8% (2010) |
| Industrias | minería e procesamento de fosfato, procesamento de alimentos, artigos de coiro, téxtiles, construción, turismo |
| Parcerías comerciais[1] | |
| Exportacións | 14,49 mil millóns (2010) |
| Produtos de exportación | roupas e téxtiles, compoñentes eléctricos, produtos químicos inorgánicos, transistores, minerais brutos, fertilizantes (incluíndo fosfatos), produtos de petróleo, froitas cítricas, legumes, peixe |
| Principais mercados | España 22,02%, Francia 20,22%, India 4,91%, Italia 4% (2009) |
| Importacións | 34,19 mil millóns (2010) |
| Principais produtos importados | petróleo bruto, tecidos, equipamentos de telecomunicación, trigo, gas natural e electricidade, transistores, plásticos |
| Principais mercados | Francia 16,95%, España 14,72%, República Popular da China 7,1%, Italia 6,76%, Alemaña 6,28%, Estados Unidos 5,66%, Arabia Saudita 5,11% (2009) |
| Finanzas públicas[1] | |
| Débeda externa | 22,69 mil millóns (2010) |
| Ingresos | dato non dispoñible |
| Gastos | dato non dispoñible |
Aínda que os últimos anos os diversos gobernos seguiron unha política de diversificación económica, a agricultura que só representa o 17% do PIB emprega ao 44% da poboación activa. No 2009 aínda que a crise azoutou a unha parte do mundo, Marrocos conseguiu un crecemento do 5,0%[3] grazas en parte a sobreproteccionismo da banca marroquí e aos bos resultados no sector agrícola.
Os ingresos do país proveñen nun 17,1% da agricultura, o 31,6% da industria e o 51,4% do sector servizos, segundo datos proporcionados no ano 2010[1]. A inflación foi de 2,5 puntos aquel ano e o 15% da poboación vive nunha situación de pobreza. A porcentaxe de poboación activa é do 20% de habitantes.
As políticas económicas de Marrocos trouxeron estabilidade ao país a comezos da década de 1990, pero non diminuíron o desemprego, estimado o 20% nas cidades,[1] a pesar dos esforzos do goberno para diversificar a economía. Os déficits comercial e orzamentario de Marrocos creceron durante o 2010. A redución do gasto do goberno e a adaptación a un crecemento económico reducido en Europa - onde están os seus principais mercados - serán os desafíos do país en 2011. Para o longo prazo, un dos principais desafíos é mellorar a educación e crear oportunidades de emprego para os mozos, ademais de reducir as desigualdades entre ricos e pobres e combater a corrupción[1].
Notas editar
- ↑ 1,0 1,1 1,2 1,3 "Africa :: Morocco — The World Factbook - Central Intelligence Agency". www.cia.gov. Arquivado dende o orixinal o 26 de decembro de 2018. Consultado o 05 de agosto de 2009.
- ↑ CIA. "Real GDP (purchasing power parity)". The World Factbook (en inglés).
- ↑ "Morocco and the IMF". IMF (en inglés). Consultado o 2019-02-27.
|
Este artigo sobre economía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |