Echinacea

Echinacea, as equináceas, é un xénero de plantas herbáceas e perennes da familia das asteráceas. A especie Echinacea angustifolia posúe propiedades tónicas e afrodisíacas. Todas as especies son nativas do leste de América do Norte. Comprende 42 especies descritas e destas, só 11 aceptadas.

Descrición

Son plantas herbáceas, perennes e tolerantes á seca que miden 1 ou 2 m en altura. As follas son de lanceoladas a elípticas, de 10 a 20 centímetros de longo e 1,5–10 cm de largo. Como é característico de toda a familia das Asteráceas, as flores forman unha inflorescencia composta por flores púrpuras (raramente amarelas ou brancas) dispostas en forma de cabeciñas cónicas; xa que o limbo das lígulas exteriores tenden a apuntar cara a abaixo unha vez que a cabeciña da flor abre, formando, deste xeito, un cono.

Propiedades

O extracto de equinácea úsase en tratamentos complementarios de infeccións respiratorias, gripes, arrefriado, farinxite, rinite e sinusite.

Os seus constituíntes químicos son o ácido cafeico, ácido chicórico, polialcanos, polisacáridos, tuselaxina, acetato de bornil, alcamídeos, borneol, cariofileno, cinarina, equinacosídeo, isotusilaxina.

As súas propiedades medicinais son antibacterianas, antibióticas, antivirais, antisépticas, antiinflamatorias, antimicrobianas, inmunoestimulantes e fortificantes.

Taxonomía

O xénero foi descrito por Conrad Moench e publicado en Methodus Plantas Horti Botanici et Agri Marburgensis : a staminum situ describendi 591. 1794.

Etimoloxía

O nome do xénero procede do grego echino, que significa "espiñento", por mor ao disco central espiñento da cabeciña floral.

Especies e variedades aceptadas

• Echinacea angustifolia
• Echinacea atrorubens
• Echinacea laevigata
• Echinacea pallida
• Echinacea paradoxa
  • Echinacea paradoxa var. neglecta
  • Echinacea paradoxa var. paradoxa
• Echinacea purpurea
• Echinacea sanguinea
• Echinacea sanguinea
• Echinacea simulata
• Echinacea tennesseensis

Bibliografía

1. Flora of North America Editorial Committee, e. 2006. Magnoliophyta: Asteridae, part 8: Asteraceae, part 3. 21: i–xxii + 1–616. In Fl. N. Amer.. Oxford University Press, New York.

Ligazóns externas

• Echinacea und die Cannabinoid Rezeptoren
• Der Sonnenhut - eine Giftpflanze
• Artikel über die Metastudie von Thomas J. Caruso und Jack M. Gwaltney zur Wirksamkeit von Echinacea
• Ronald B. Turner, Rudolf Bauer, Karin Woelkart, Thomas C. Hulsey, and J. David Gangemi. An Evaluation of "Echinacea angustifolia" in Experimental Rhinovirus Infections. New England Journal of Medicine, 353:341-348, 2005