Dryas iulia

A bolboreta flama (Dryas iulia) é unha especie de lepidóptero pertencente á familia Nymphalidae. É o único membro do xénero Dryas e ten catorce subespecies.

Descrición

As súas ás teñen unha forma alongada e cor alaranxada con estreitas marxes negras. As femias teñen un ton máis escuro que os machos. Os ovos son de cor amarela-limón. En estado larval despide substancias químicas tóxicas para as súas predadores. A eiruga desenvólvese sobre especies de Passiflora.

Distribúese desde o sur dos Estados Unidos até o Paraguai.

Imaxes

• 
  Dryas iulia alcionea
• 
  Ilustración científica do ciclo vital da D. iulia, sobre a planta de Maracuxá
• 
  Dúas bolboretas flamas bebendo bágoas de tartarugas charapas (Podocnemis expansa) en Ecuador. Este fenómeno é coñecido como lacrifaxia
• 
  D. iulia retirando sustancias minerais das bágoas dun crocodilo-de-morelet, en México
• 
  Adulto
• 
  Eiruga de Dryas iulia
• 
  Nacemento dunha Dryas iulia
• 
  Dryas iulia
• 
  Dryas iulia zoe

Subespecies

• Dryas iulia iulia - Descrita por Fabricius en 1775, de exemplar proveniente de Porto Rico.
• Dryas iulia fucatus - Descrita por Boddaert en 1783, de exemplar proveniente da República Dominicana.
• Dryas iulia delila - Descrita por Fabricius en 1775, de exemplar proveniente de Xamaica.
• Dryas iulia alcionea - Descrita por Cramer en 1779, de exemplar proveniente do Suriname.
• Dryas iulia dominicana - Descrita por Hall en 1917, de exemplar proveniente da Dominica.
• Dryas iulia framptoni - Descrita por Riley en 1926, de exemplar proveniente de San Vicente e as Granadinas.
• Dryas iulia lucia - Descrita por Riley en 1926, de exemplar proveniente de Santa Lucía.
• Dryas iulia carteri - Descrita por Riley en 1926, de exemplar proveniente das Bahamas.
• Dryas iulia moderata - Descrita por Riley en 1926, de exemplar proveniente de Honduras.
• Dryas iulia nudeola - Descrita por Bates en 1934, de exemplar proveniente de Cuba.
• Dryas iulia warneri - Descrita por Hall en 1936, de exemplar proveniente de Saint Kitts e Nevis.
• Dryas iulia martinica - Descrita por Enrico & Pinchon en 1969, de exemplar proveniente da Martinica.
• Dryas iulia largo - Descrita por Clench en 1975, de exemplar proveniente da Florida (Estados Unidos).
• Dryas iulia zoe - Descrita por Miller & Steinhauser en 1992, de exemplar proveniente das illas Caimán.

Véxase tamén

Bibliografía

• Estudios sobre la biodiversidad de la región de Bahía Honda (Veraguas, Panamá) 20. Editorial CSIC - CSIC Press. 2005. 
• Scott, James A. (1992). The Butterflies of North America: A Natural History and Field Guide. Stanford University Press. ISBN 9780804720137. Consultado o 20 de marzo de 2015.