Donald James Cram
Donald James Cram, nado o 22 de abril de 1919 en Chester (Vermont, Estados Unidos) e finado o 17 de xuño de 2001 en Palm Desert (California)[1], foi un químico e profesor universitario estadounidense que compartiu o Premio Nobel de Química de 1987 por "sintetizar moléculas tridimensionales que poden mimetizar o funcionamento das molécular naturais". Tamén gañou o Premio da Academia Nacional Estadounidense de Ciencias na área de ciencias químicas.
Traxectoria editar
Cram educouse no Rollins College, Florida e na Universidade de Nebraska onde se licenciou en 1942 e recibiu o seu doutoramento en química orgánica da Universidade Harvard en 1947. Empezou a dar clase na Universidade de California en 1947 e pasou a ser profesor a tempo completo en 1956. En 1956 obtivo a cátedra de química na Universidade de Los Ángeles.
Campo de estudo editar
Cram expandiu, baseándose no traballo de Charles J. Pedersen, o campo da síntese dos éteres de coroa, compostos bidimensionais orgánicos capaces de recoñecer e combinarse selectivamente cos ións de certos elementos metálicos. Sintetizou moléculas que transformaban a súa química en tridimensional, creando un abanico de moléculas de diferentes formas que podían interactuar selectivamente con outros elementos químicos por mor das súas estruturas tridimensionais complementarias. A súa obra representou un gran paso cara á síntese de encimas en laboratorios e outras moléculas naturais cuxo especial comportamento químico é debido á súa estrutura característica. Tamén traballou no campo da estereoquímica e nomeouse á Regra de Cram da indución asimétrica na súa honra.
Como profesor editar
Ademais de investigador, Cram foi tamén un popular profesor que instruíu a preto de 8.000 estudantes e guiou a obra académica doutros 200 estudantes graduados. Durante as clases tocaba a guitarra e cantaba cancións folk.[2] tamén afacía rirse de si mesmo:
Un investigador empeza investigando nun novo campo con fe, unha idea confusa e uns poucos experimentos aloucados. Finalmente a relación entre os resultados negativos e positivos é a que guía o traballo. Para cando a investigación acabouse, el ou ela saben como deberían de empezar e procedido.
Notas editar
- ↑ "Science Blog - UCLA News". Arquivado dende o orixinal o 14 de xullo de 2014. Consultado o 01 de febreiro de 2011.
- ↑ UCLA news release do 19 de xuño de 2001, en [1] Arquivado 14 de xullo de 2014 en Wayback Machine..
Ligazóns externas editar
- Páxina do Instituto Nobel, Premio Nobel de Química 1987 (en inglés)
- Autobiografía na páxina do Instituto Nobel 1987 (en inglés)
- Donald James Cram en Biografías y vidas(en castelán)
- Perfil de Donald James Cram en NNDB (en inglés)
- http://www.brainyquote.com/quotes/quotes/d/donaldcram193831.html (en inglés)
| Predecesor: Dudley R. Herschbach, Yuan T. Lee e John Charles Polanyi |
Premio Nobel de Química 1987 con Jean-Marie Lehn e Charles J. Pedersen |
Sucesor: Johann Deisenhofer, Robert Huber e Hartmut Michel |