Don Davis

Donald Davis Romain, nado o 4 de febreiro de 1957 en Anaheim (California), é un compositor estadounidense de música para películas e director de orquestra. É máis coñecido polo seu traballo nos filmes da serie Matrix (The Matrix, The Matrix Reloaded e The Matrix Revolutions) e traballou nunha gran variedade de películas desde terror a comedia.

Don Davis

Biografía
Nacemento	(en) Donald Romain Davis 4 de febreiro de 1957 (67 anos) Anaheim, Estados Unidos de América
Datos persoais
País de nacionalidade	Estados Unidos de América
Educación	Universidade de California, Os Ánxeles UCLA Herb Alpert School of Music (en)
Actividade
Ocupación	compositor , compositor de bandas sonoras
Período de actividade	1977 -
Xénero artístico	Ópera
Instrumento	Sintetizador
Páxina web	dondavis.net

As súas partituras caracterízanse pola súa atonalidade e estilo vangardista, con influencias de obras politonais minimalistas, como as de John Adams, como o uso das técnicas do compositor Witold Lutosławski.

Primeiros pasos

Davis naceu en Anaheim (California). Tivo especial interese na música desde moi pequeno, aprendendo a tocar a trompeta con 9 anos e escribindo pezas curtas con 12.

Nas primeiras etapas da súa vida, empezou a interesarse principalmente en xéneros como o jazz e o rock. Tras graduarse no instituto, Davis matriculouse na Universidade de California de Los Ángeles (UCLA), especializándose en teoría musical e composición ao mesmo tempo que exercía de trompetista en bandas de jazz universitarias así como en diversas orquestras. Continuou os seus estudos de composición musical co profesor Henri Lazarof. Ademais, tamén aprendeu dirección de orquestra da man de Albert Harris. Durante a aprendizaxe con Harris, este presentoulle o compositor Joe Harnell, o cal axudou a Davis na busca do seu primeiro traballo. O seu debut como profesional foi en Hart to Hart, unha serie de televisión baseada na película de 1930, The Thin Man. Tamén traballou como compositor xunto a Michael Kamen na película Die Hard 2.

Cine e televisión

Davis escribiu obras para numerosas das series de televisión até 1995 en Estados Unidos. Ese mesmo ano escribiu algunhas pezas da película animada de Disney A Goofy Movie. Seguiu creando pezas para series de televisión até que dous directores novos, os irmáns Wachowski, o contrataron para traballar na película de cine negro, Bound, que obtivo bastante éxito de portelo. Bound foi a película que levou a Davis a converterse no compositor de toda a triloxía Matrix. Posteriormente, Davis compuxo partituras para películas como Jurassic Park III (recomendado por John Williams, compositor das anteriores), House on Haunted Hill e Behind Enemy Lines.

Películas

• Hyperspace (1984)
• Blackout (1984)
• Home Fires Burning (1989)
• Tiny Toon Adventures: How I Spent My Vacation (1992)
• Bound (1996)
• Warriors of Virtue (1997)
• The Matrix (1999)
• Universal Soldier: The Return (1999)
• House on Haunted Hill (1999)
• Jurassic Park III (2001)
• Antitrust (2001)
• Valentine (2001)
• The Unsaid (2001)
• Behind Enemy Lines (2001)
• Long Time Dead (2002)
• Ballistic: Ecks vs. Sever (2002)
• The Matrix Reloaded (2003)
• The Matrix Revolutions (2003)
• The Animatrix (2003)
• The Marine (2006)

Televisión

• Sledge Hammer! (1986)
• Star Trek: The Next Generation (1987)
• Beauty and the Beast (1990])
• Tiny Toons Adventures (1990)
• Capitol Critters (1992)
• SeaQuest DSV (1993)
• The Beast (1996)
• House Of Frankenstein (1997)
• Invasión (1997)
• Weapons of Mass Distraction (1997)
• Weird TV (2003)