Diomedes de Tracia

Para outras páxinas con títulos homónimos véxase: Diomedes.

Na mitoloxía grega, Diomedes (en grego antigo, Διομήδης / Diomếdês), rei de Tracia, era un xigante, fillo de Ares e Cirene. Viviu na ribeira do Mar Negro e gobernou a tribo guerreira dos bistóns. Foi coñecido polas súas catro eguas comedoras de homes, que foron roubadas por Heracles para completar o oitavo dos seus doce traballos, matando a Diomedes no proceso.

Heracles e as eguas de Diomedes, detalles do mosaico dos doce traballos de Heracles de Liria (España), primeira metade do século III.