David Iglesias
David Iglesias, alcumado deportivamente Guanyar (pronunciado Guáñar[1]), nado en Santiago de Compostela o 28 de agosto[2] de 1997, é un xogador de videoxogos e regueiro galego en lingua castelá.
| Biografía | |
|---|---|
| Nacemento | 28 de agosto de 1997  (26 anos)Santiago de Compostela, España |
| Actividade | |
| Ocupación | regueiro en Twitch , xogador de videoxogos |
Traxectoria editar
Estudou ensino medio no Colexio LaSalle[3], en Santiago de Compostela. De neno practicou fútbol e atletismo, e foi árbitro de fútbol. Tamén xogaba a videoxogos, pero a partir de 2015 empezou a dedicarse a tempo completo a xogar. Marchou estudar a carreira a Barcelona e en 2018 empezou a competir profesionalmente en videoxogos.
En 2020 o pai enfermou[3] e el regresou a Santiago onde, coincidindo coa pandemia de covid-19, deixou de xogar unicamente (especialmente a Call of Duty) e empezou a ter unha posición máis protagonista, con contidos humorísticos, na súa canle de Twitch[3]. Tamén xoga Fortnite. En setembro de 2020 foi baneado de Twitch durante tres meses (ata decembro dese ano) por incluír, supostamente por erro[4], no seu rego un cu.
En marzo de 2021 Team Heretics fichouno[5] para o seu equipo de Fortnite e trasladouse a Madrid, onde xoga nunha vivenda común con outros cinco regueiros. Naquela altura tiña máis de 300 000 seareiros[3].
Notas editar
- ↑ "Entrevista a Guanyar -". Youtube (Markilokuras). Consultado o 2021-04-25.
- ↑ "Twitter (IlloRobert)". Twitter. Consultado o 2021-04-25.
- ↑ 3,0 3,1 3,2 3,3 "Guanyar: «Mi madre, al ver que me ganaba bien la vida, aceptó que podía vivir de Twitch»". La Voz de Galicia (en castelán). 2021-04-25. Consultado o 2021-04-25.
- ↑ "Me han baneado de Twitch por esto...". Youtube (Guanyar). Consultado o 2021-04-25.
- ↑ "Joined @TeamHeretics". Twitter (Guanyarr). Consultado o 2021-04-25.