Dave Matthews Band

Dave Matthews Band (tamén coñecida como DMB) é unha banda estadounidense formada en Charlottesville, Virginia en 1991. Os seus membros fundadores foron o vocalista e guitarrista Dave Matthews, o baixista Stefan Lessard, o batería e corista Carter Beauford e o saxofonista LeRoi Moore. Moore morreu en agosto do 2008 polas feridas sufridas nun accidente de quad, e foi substituído por Jeff Coffin, de Béla Fleck and the Flecktones. Boyd Tinsley incorporouse á banda como violinista pouco despois da súa creación. Rashawn Ross e Tim Reynolds tamén forman parte da banda como membros de xira. Con músicos con raíces en distintos xéneros como jazz, música clásica, soul, rock, bluegrass e hip hop, a banda creou un son ecléctico que leva gañados unha gran variedade de seguidores. No ano 2010 Dave Matthews Band levaba vendidos ao redor dos 40 millóns de discos en todo o mundo.

Dave Matthews Band
OrixeCharlottesville, Virginia,
Período1990 - actualidade
Xénero(s)rock, músicas do mundo, funk, bluegrass, jazz fusion
Selo(s) discográfico(s)RCA (US), V2 (International)
MembrosDave Matthews
Carter Beauford
Stefan Lessard
Boyd Tinsley
Antigos membrosLeRoi Moore
Peter Griesar
Na rede
davematthewsband.com
IMDB: nm1873523 Facebook: davematthewsband Twitter: davematthewsbnd Instagram: davematthewsband MySpace: davematthewsband Youtube: UCQv0bxIpI_K0zmmCBTOttAQ Souncloud: dave-matthews-band Spotify: 2TI7qyDE0QfyOlnbtfDo7L iTunes: 60288452 Last fm: Dave+Matthews+Band Musicbrainz: 07e748f1-075e-428d-85dc-ce3be434e906 Songkick: 334506 Discogs: 30674 Allmusic: mn0000961234 Deezer: 245 Editar o valor em Wikidata

A banda é coñecida polas súas xira anuais que fai en verán polos Estados Unidos e Europa, onde realizan longas improvisacións sobre os seus temas, acompañados dun elaborado espectáculo de vídeo e luces. Esta parte do espectáculo converteuse nun selo da banda dende que o director de vídeo Fenton Williams comezara a traballar con Dave Matthews Band aprincipios dos anos 90. Despois de vinte anos consecutivos de xiras a banda anunciou que descansaría no verán de 2011. O seu álbum máis recente, Big Whiskey and the GrooGrux King, estreouse no número 1 da lista Billboard 200, sendo o seu quinto número 1 consecutivo, sendo a segunda banda en conseguilo despois de Metallica.

Discografía editar

Véxase tamén editar

Ligazóns externas editar