Cyanocorax cayanus
Cyanocorax cayanus é unha especie de ave paseriforme da familia dos córvidos, unha das 17 comprendidas no xénero Cyanocorax.[2][3]
| Cyanocorax cayanus | |||||||||||||||||
|---|---|---|---|---|---|---|---|---|---|---|---|---|---|---|---|---|---|
.jpg)
| |||||||||||||||||
| Estado de conservación | |||||||||||||||||
 Pouco preocupante[1] | |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| Cyanocorax cayanus (Linnaeus, 1766) | |||||||||||||||||
 Área de distribución de Cyanocorax cayanus
| |||||||||||||||||
Taxonomía editar
Descrición editar
En 1760 o zoólogo francés Mathurin Jacques Brisson incluíu unha descrición da pega de Caiena na súa Ornithologie, baseado nun exemplar recollido en Caiena, Güiana Francesa, utilizou o nome francés Le geay de Cayenne e o latino Garrulus Cayanensis.[4]
Aínda que Brisson acuñou nomes latinos, estes non se axustaban ao nomenclatura binomial e non son recoñecidos pola Comisión Internacional de Nomenclatura Zoolóxica.[5]
Cando en 1766 o naturalista sueco Carl Linnaeus actualizou o seu Systema Naturae para a duodécima edición, engadiu 240 especies que foran previamente descritas por Brisson. Unha destas foi a pega de Caiena. Linneo incluíu unha breve descrición, acuñou o nome binomial Corvus cayanus e citou o traballo de Brisson.[6]
Esta especie está agora situada no xénero Cyanocorax que foi introducido polo zoólogo alemán Friedrich Boie en 1826.[7][8]
Sinónimo editar
A especie tamén foi coñecida polo nome que lle deu Linneo:[2]
- Corvus cayanus Linnaeus, 1766 (protónimo)
Subespecies editar
Non se recoñece ningunha subespecie.[9]
Distribución editar
É unha especie propia do norte de América do Sur, encontrándose en Bolivia, no Brasil, en Güiana, na Güiana Francesa, en Suriname e en Venezuela.[1]
Hábitat editar
Seu hábitat natural son os bosques húmidos tropicais e zonas de matogueiras, aínda que tamén vive en bosques degradados.[1]
Estado de conservación editar
A Unión Internacional para a Conservación da Natureza e dos Recursos Naturais, tendo en conta que esta especie ten unha área de distribución moi grande e, polo tanto, non se aproxima aos limiares de vulnerábel baixo o criterio de tamaño da área de distribución, a extensión e calidade do seu hábitat e o tamaño da poboación. A tendencia de poboación parece ser estábel e, polo tanto, a especie non se achega aos limiares de vulnerable segundo o criterio de tendencia de poboación. Non se cuantificou o tamaño da poboación, pero non se cre que se aproxime aos limiares de vulnerábel baixo o criterio de tamaño da poboación. Por estes motivos a especie é avaliada como LC (pouco preocupante).[1]
Notas editar
- ↑ 1,0 1,1 1,2 1,3 BirdLife International (2016): Cyanocorax cayanus na Lista vermella da UICN. Versión 2021-3. Consultada o 23 de febreiro de 2022.
- ↑ 2,0 2,1 Cyanocorax cayanus (Linnaeus, 1766) no GBIF. Consultado o 23 de febreiro de 2022.
- ↑ Cyanocorax cayanus (Linnaeus, 1766) no BioLib. Consultado o 23 de febreiro de 2022.
- ↑ Brisson, Mathurin Jacques (1760): Ornithologie, ou, Méthode contenant la division des oiseaux en ordres, sections, genres, especes & leurs variétés. Vol. 2. pp. 52–54. Paris: Jean-Baptiste Bauche. (en francés), (en latín).
- ↑ Allen, J. A. (1910): "Collation of Brisson's genera of birds with those of Linnaeus". Bulletin of the American Museum of Natural History 28: 317–335.
- ↑ Linnaeus, Carl (1766): Systema naturae: per regna tria natura, secundum classes, ordines, genera, species, cum characteribus, differentiis, synonymis, locis. Volume 1, Parte 1 (12ª ed.). Holmiae (Estocolmo): Laurentii Salvii. p. 157.
- ↑ Boie, Friedrich (1826): "Generalübersicht". Isis von Oken. Col. 975.(en alemán)
- ↑ Mayr, Ernst and Greenway, James C. Jr, eds. (1962): Check-list of birds of the world. Vol. 15. Cambridge, Massachusetts: Museum of Comparative Zoology. p. 220.
- ↑ Gill, Frank & Donsker, David, eds. (2018): "Crows, mudnesters, birds-of-paradise". World Bird List. Versión 8.1. International Ornithologists' Union. Consultada o 23 de febreiro de 2022.
Véxase tamén editar
Wikimedia Commons ten máis contidos multimedia na categoría: Cyanocorax cayanus  |
| Wikispecies posúe unha páxina sobre: Cyanocorax cayanus |
Bibliografía editar
- Stotz, D. F., Fitzpatrick, J. W., Parker, T. A. and Moskovits, D. K. (1996): Neotropical Birds: Ecology and Conservation. Chicago: University of Chicago Press. ISBN 978-0-2267-7629-3.