Cruceiro Alfonso XII
O Alfonso XII foi un cruceiro non protexido da Armada española que permaneceu activo desde 1892 ata 1908. Recibía o seu nome en honra ao rei Afonso XII, foi o segundo dos tres compoñentes da Clase Reina Cristina.
| Alfonso XII | |
|---|---|
 O Alfonso XII nos anos 1890. | |
| Historial | .svg)
|
| Estaleiro | Ferrol[1], España
|
| Clase | Clase Reina Cristina |
| Posta en grella | 12 de agosto de 1881 |
| Botado | 21 de agosto de 1887[2] |
| Asignado | 6 de xullo de 1891 |
| Viaxe inaugural | 8 de xuño de 1871 |
| Baixa | 1900 [1] |
| Destino | Desmantelado en 1908 |
| Características xerais | |
| Eslora | 84,80 m |
| Manga | 15,20 m |
| Calado | 5,00 m |
| Aparello | 1725 m² de velame |
| Propulsión | • 1 máquina alternativa • 1 hélice |
| Potencia | 4100 cv |
| Velocidade | 13 nós |
| Tripulación | 380 tripulantes |
Primeiros tempos editar
Pouco logo de entrar en servizo, foi enviado a Tánxer en resposta a un incidente con Marrocos. Estivo ao longo de 1892 nos diversos actos e celebracións con motivo do IV Centenario do descubrimento de América, incluídas as revistas navais de Huelva e Xénova. Tamén participou nas operacións da Guerra de Melilla entre 1893 e 1894.
Guerra hispano-estadounidense editar
- Véxase tamén: Guerra hispano-estadounidense.
.jpg)
Foi enviado a Cuba en outubro de 1895 para axudar na loita contra a insurrección. Na noite do 15 de febreiro de 1898 no porto da Habana, o Alfonso XII atopábase fondeado moi preto do acoirazado de segunda clase USS Maine (ACR-1), e foi testemuña da explosión do buque estadounidense, cuxos superviventes foron socorridos pola dotación do cruceiro español.
Ao estalar dous meses máis tarde o conflito cos Estados Unidos, o Alfonso XII seguía na Habana, necesitado de reparacións e imposibilitado para navegar, polo que desembarcou a súa artillaría para reforzar as defensas costeiras.
Final na armada editar
Ao ano seguinte volveu a España, ordenándose o 15 de xullo de 1899 a súa transformación en buque escola de artilleiros e procedeuse a desmontar en Ferrol os seus tubos lanza torpedos, aínda que os traballos foron suspendidos ao decidirse a súa baixa o 18 de maio de 1900; unha vez desarmado, o seu casco foi utilizado como depósito de carbón no Arsenal da Carraca (Cádiz). Foi vendido en 1907 e desmantelado en 1908.
Notas editar
- ↑ 1,0 1,1 "Revista Naval" (en castelán). Consultado o 3 de decembro de 2017.
- ↑ Spanish-American War Centenial Website - Alfonso XII
Véxase tamén editar
| Wikimedia Commons ten máis contidos multimedia na categoría: Cruceiro Alfonso XII |
Bibliografía editar
- Chesneau, Roger, e Eugene M. Kolesnik, Eds. Conway's All The World's Fighting Ships 1860–1905. Nova York, Nova York: Mayflower Books Inc., 1979. ISBN 0-8317-0302-4.
- Gray, Randal, Ed. Conway's All The World's Fighting Ships 1906–1921. Annapolis, Maryland:Naval Institute Press, 1985. ISBN 0-87021-907-3.