Cristina Pol García
Cristina Pol García, nada en Madrid o 24 de xullo de 1893 e finada na Coruña o 23 de setembro de 1976,[1] foi unha mestra e inspectora de educación galega.
| Biografía | |
|---|---|
| Nacemento | 24 de xullo de 1893  Madrid, España |
| Morte | 23 de setembro de 1976 (83 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | mestra , inspectora de educación |
| Lingua | Lingua castelá |
| Familia | |
| Cónxuxe | Manuel Díaz Rozas |
Traxectoria editar
Estudou maxisterio na Escola Normal de Pontevedra, obtendo o título de grao superior en 1911.[2] Foi nomeada inspectora de Ensino Primario da provincia da Coruña en 1920.[3] Co seu marido Manuel Díaz Rozas e outros crearon en 1932 a Sociedad Paidológica Gallega e tamén co marido fixeron estudos para seguir o desenvolvemento de xemelgos univitelinos da provincia da Coruña nos anos trinta.[4] Militante do Partido Galeguista, foi secretaria do Seminario de Estudos Galegos. Co golpe de Estado do 18 de xullo de 1936 foi separada do servizo e suspendida de emprego e soldo. Foi desterrada a Ávila co seu home. Rehabilitada, nos anos sesenta foi inspectora de ensino primario en Oviedo.
Vida persoal editar
Casou con Manuel Díaz Rozas.
Notas editar
- ↑ Necrolóxica en La Voz de Galicia, 24-9-1976, p. 27.
- ↑ El Diario de Pontevedra, 6-10-1911, p. 2.
- ↑ El Compostelano, 27-7-1920, p. 3.
- ↑ "Antecedentes da psicoloxía infantil en Galicia: a Sección de Pedagoxía e o Laboratorio de Psicotecnia do Seminario de Estudos Galegos"
Véxase tamén editar
Bibliografía editar
- Batanaz Palomares, Luis (2011). La inspección de primera enseñanza durante la Guerra Civil y el primer franquismo (1936-1943): represalia y desgarramiento. Universidad de Córdoba. p. 82.
Ligazóns externas editar
- Cristina Pol García na páxina web Nomes e Voces.