Constantino VIII
Constantino VIII (en grego Konstantinos VIII, escrito Κωνσταντίνος Η') (960 - 15 de novembro de 1028), emperador bizantino (15 de decembro de 1025 - 15 de novembro de 1028) era fillo do emperador Romano II e irmán máis novo do gran Basilio II, que morreu sen fillos, deixando o goberno do Imperio bizantino en mans de Constantino.
  | |
| Nome orixinal | (el) Κωνσταντίνος Η΄ |
|---|---|
| Biografía | |
| Nacemento | 960 Constantinopla |
| Morte | 15 de novembro de 1028 (67/68 anos) Constantinopla |
| Lugar de sepultura | Igreja dos Santos Apóstolos (pt)  |
| Emperador bizantino | |
| 15 de decembro de 1025 – 15 de novembro de 1028 ← Basilio II – Romano III → | |
| Datos persoais | |
| País de nacionalidade | Imperio Bizantino |
| Actividade | |
| Ocupación | gobernante |
| Familia | |
| Familia | Dinastia macedônica (pt) |
| Cónxuxe | Helena (pt) |
| Fillos | Eudokia (en) , Zoe Porfiroxénita, Teodora Porfiroxénita |
| Pais | Romano II e Teófano Anastaso |
| Irmáns | Basilio II e Ana Porfirogénita (pt) |
  | |
En teoría, Constantino foi nomeado coemperador xunto ao seu irmán Basilio cando este asumiu o trono imperial en 976 con 18 anos de idade, pero durante os 49 anos de reinado de Basilio, Constantino apenas participou nos asuntos de estado, mesmo cando Basilio estaba moi a miúdo fóra de Constantinopla nas súas campañas militares. Segundo as fontes, Constantino pasou a maior parte da súa vida vivindo luxosamente e exercendo poucas responsabilidades.
Cando morreu Basilio en decembro de 1025, Constantino pasou a ser o único emperador, aínda que só reinou durante menos de tres anos, ata a súa morte o 15 de novembro de 1028.
Constantino era alto, delgado e de boa planta, por contraste con Basilio que era baixo e ancho. Era tamén un magnífico xinete. Pero cando chegou a ser emperador único, sufría de gota crónica e case non podía andar. O seu reinado foi desastroso pola súa falta de coraxe. Reaccionaba ante calquera desafío con crueldade: así, ordenou a execución ou mutilación de centos de homes inocentes. Constantino seguiu levando a vida que sempre levara: caza, festexos..., e apartouse dos asuntos do goberno todo o que puido. Nomeou oficiais e funcionarios incapaces. Aos poucos meses do comezo do seu reinado, as leis sobre a terra ditadas por Basilio foron derrogadas pola presión da aristocracia de Anatolia.
Do mesmo xeito que o seu irmán, Constantino morreu sen herdeiros homes. O Imperio pasou entón á súa filla Zoe e aos maridos e fillos desta, ningún dos cales se distinguiu especialmente.
Véxase tamén editar
Bibliografía editar
- Miguel Psellos o Xove, Cronografía (ed. esp.: Miguel Pselo, Vidas de los emperadores de Bizancio, Madrid: Ed. Gredos, 2005).
| Imperio Bizantino | ||
|---|---|---|
Segue a: Basilio II |
Constantino VIII | Precede a: Romano III |
| Dinastía Macedonia | ||