Conakry

Conakry, ás veces transcrito como Conacri, é a capital e a cidade máis importante da Guinea. Situada na illa de Tombo, na costa do océano Atlántico, é o maior núcleo urbano da Guinea e o centro administrativo, económico e de comunicacións. A súa poboación, en 2005, era de 1 871 185 habitantes.

Conakry

Conakry (fr) ߞߐߣߊߞߙߌ߫ (nqo) Kɔnakiri (sus) 𞤑𞤮𞤲𞤢𞥄𞤳𞤭𞤪𞤭 (ff)
Localización
9°30′33″N 13°42′44″O
Estado	Guinea
Regiões da Guiné (pt)	Conacri (pt)
Capital de	Guinea People's Revolutionary Republic of Guinea (en) Conacri (pt)
Contén a división administrativa	Dixinn Kaloum (pt) Kassa Island (en) Matam (Conacri) (pt) Matoto (pt) Ratoma (pt)
Poboación
Poboación	1.667.864 (2014) (3.706,36 hab./km²)
Lingua usada	lingua francesa Guinean Sign Language (en)
Xeografía
Superficie	450 km²
Bañado por	Océano Atlántico
Altitude	13 m
Comparte fronteira con	Kindia (pt) Prefeitura de Dubreka (pt)
Identificador descritivo
Fuso horario	Tempo Medio de Greenwich
ISO 3166-2	GN-C
Outro
Irmandado con	Freetown Dakar Cleveland (1991–)

A economía da cidade desenvólvese, especialmente, arredor do seu porto, que está dotado de modernas instalacións para o tráfico de mercadorías e a almacenaxe, e polo cal se exportan aluminio e bananas. Ten crecente importancia a industria alimentaria e a do automóbil.

A cidade é coñecida polos seus xardíns botánicos.

Xeografía

Inicialmente Conakry naceu na pequena illa de Tombo, no sur da costa atlántica do país, pero o seu crecemento fixo que a cidade se estendese pola península de Kaloum, unha estreita lingua duns 36 km de lonxitude e unha anchura que oscila entre 0,2 e 0,6 km, e mesmo acabase por ocupar terras no continente. En Tombo radica a cidade vella, pero o centro da cidade está na actualidade na península.

O clima da cidade é tropical, cunha estación chuviosa e outra seca.

Breve historia

Conakry foi creada oficialmente en 1887, cando os colonizadores franceses reuniron a aglomeración de catro aldeas: Conakry, Boulbinet, Krutown e Tombo. Conakry converteuse en capital da colonia das «Rivières du Sud» (Ríos do Sur) en 1889, que mudou o seu nome como a Guinea Francesa (Guinée-Française) en 1891.

A apertura dun ferrocarril (actualmente clausurado), que a unía con Kankan, no interior do país, favoreceu a exportación das colleitas de cacahuetes, fomentando o crecemento da cidade. Con todo a súa poboación era só de arredor de 50.000 habitantes en 1958. O boom ocorreu logo da independencia, de xeito que en 1968 superaba xa ben os 500.000 moradores. A expansión posterior, até os cerca de 2 000 000 de habitantes en 2008, fixo que a cidade desbordase os seus límites insulares e se espallase pola próxima península de Kaloum.

Centros universitarios

Desde 1963 a cidade conta coa Universidade Gamal Abdel Nasser de tipo público. En 1999 foi creada a Universidade Kofi Annan, de carácter privado.

Galería de imaxes

• 
  Imaxe desde satélite
• 
  Vista parcial da cidade
• 
• 
  Rúa de Conakry
•