Wikipedia

Cogomelo alucinóxeno

Os cogomelos alucinóxenos son fungos que conteñen substancias psicodélicas, como o psilocybin, psilocin ou muscimol.

Categorización editar

 
O cogomelo alucinóxeno Psilocybe semilanceata

Os cogomelos alucinóxenos ou psicodélicos poden dividirse en dous grupos: o grupo dos Psilocybin que contén fungos que se atopan principalmente no xénero Psilocybe, e o dos Muscimol que contén cogomelos do xénero Amanita.

Os fungos psilocibios conteñen psilocybin e/ou psilocin e triptaminas psicodélicas, que son estruturalmente similares á serotonina. Son fortes reguladores do humor, do estado da mente e da consciencia. Algunhas especies de Psilocybe conteñen ademais o alcaloide baeocystin, que é un derivado do psilocybin. Outros xéneros que conteñen psilocybin son Conocybe, Copelandia, Gymnopilus, Inocybe e Panaeolus.

Efectos editar

O Psilocybe cubensis proporciona unha viaxe salvaxe que pode sacar a relucir problemas internos e o seu efecto pode prolongarse ata 6 horas. Os efectos destes cogomelos alucinóxenos percibense en ondadas; a viaxe ten períodos duros e tranquilos. Stropharia cubensis é o cogomelo alucinóxeno máis coñecido e preferido. Os cogomelos alucinóxenos Cubensis son unha substancia psicodélica (alucinóxena) moi potente. Estes cogomelos conteñen psilocina e psilocibina. En tódolos casos os cogomelos psicotrópicos son perigosos, xa que unhas decenas de minutos despois de consumilos provocarán un desfase entre o cerebro e os estímulos que lle chegan ao corpo, perdendo totalmente a percepción do tempo ademais da conciencia.

Historia editar

Dende épocas moi remotas existiu un verdadeiro culto aos fungos alucinóxenos. Proba diso son os achados arqueolóxicos onde aparecen figuras representando fungos e ás que nalgunhas ocasións identificábanse como deuses. Os maias eran verdadeiros pioneiros no seu uso e os chamáns utilizábanos para alcanzar transos visionarios. Tamén se relacionan con mitos e lendas de meigas, elfos, trasnos e gnomos. O emprego deste tipo de fungos rexurdiu en 1957 coa publicación dun artigo titulado En busca do fungo máxico por R. Gordon Wasson na revista Life, e co cultivo no laboratorio de Psilocybe mexicana por parte do micólogo francés Roger Hiem.

Situación editar

Os fungos psicotrópicos poden atoparse nalgunhas zonas do norte de España. Cómense crús ou pódense cociñar.

Ligazóns externas editar

 
O cogomelo alucinóxeno Psilocybe cyanescens

En castelán editar

En inglés editar

Traído desde «https://gl.wikipedia.org/w/index.php?title=Cogomelo_alucinóxeno&oldid=5678088»