Coa morte nos talóns
Coa morte nos talóns (en inglés: North by Northwest) é un filme estadounidense de 1959 producido e dirixido por Alfred Hitchcock. Está protagonizado por Cary Grant, Eva Marie Saint e James Mason.[3] O guión foi escrito por Ernest Lehman, que quería escribir "o filme de Hitchcock para rematar todas os filmes de Hitchcock".[4] Coa morte nos talóns é unha historia de identidade equivocada, cun home inocente perseguido por todos os Estados Unidos por axentes dunha misteriosa organización que intentan evitar que bloquee o seu plan de sacar de contrabando un microfilme que contén segredos do goberno. Esta é un dos filmes de Hitchcock que inclúe unha partitura musical de Bernard Herrmann e unha secuencia de título inicial do deseñador gráfico Saul Bass, e foi a primeira en presentar un uso prolongado da tipografía cinética nos seus créditos de apertura.[5]
| Coa morte nos talóns | |
|---|---|
 Póster do filme. | |
| Ficha técnica | |
| Título orixinal | North by Northwest |
| Director | Alfred Hitchcock |
| Produtor | Alfred Hitchcock |
| Guión | Ernest Lehman |
| Intérpretes | Cary Grant Eva Marie Saint James Mason Jessie Royce Landis |
| Música | Bernard Herrmann |
| Fotografía | Robert Burks |
| Montaxe | George Tomasini |
| Estudio | Metro-Goldwyn-Mayer |
| Distribuidora | Metro-Goldwyn-Mayer |
| Estrea | Chicago: 1 de xullo de 1959[1] 21 de xaneiro de 2007 (TVG) |
| Duración | 136 minutos |
| Orixe |  Estados Unidos |
| Xénero | Suspense |
| Orzamento | 4,3 millóns de dólares[2] |
| Recadación | 9,8 millóns de dólares[2] |
| Na rede | |
           | |
Coa morte nos talóns é considerado un dos filmes canónicos de Hitchcock da década de 1950 e a miúdo é considerado un dos mellores filmes de tódolos tempos.[6][7][8] En 1995, foi escollido para a súa preservación no National Film Registry da Biblioteca do Congreso dos Estados Unidos de América por ser "cultural, histórica ou esteticamente significativo".[9] Despois da súa primeira proxección, os críticos de The New Yorker e The New York Times aclamárono inmediatamente como unha obra mestra da comedia e unha sofisticada autoparodia.[10][11]
Estreouse en galego o 21 de xaneiro de 2007 a través da TVG.[12]
Sinopse editar
Roger O. Thornhill é un executivo publicitario de Nova York a quen uns espías confunden cun axente do goberno, George Kaplan, polo que queren asasinalo. Consegue escapar por pouco, mais ségueno de preto e o goberno non pode sacalo da situación porque teñen un dos seus axentes encubertos infiltrado entre eles que sería descuberto e asasinado por eses espías se fixesen algo. Nesta situación Thornhill coñece unha atractiva muller, Eve Kendall, que o axuda.
Personaxes editar
- Cary Grant como Roger Thornhill
- Eva Marie Saint como Eve Kendall
- James Mason como Phillip Vandamm
- Jessie Royce Landis como Clara Thornhill
- Leo G. Carroll como o Profesor
- Josephine Hutchinson como "Mrs. Townsend"
- Philip Ober como Lester Townsend
- Martin Landau como Leonard
- Adam Williams como Valerian
- Edward Platt como Victor Larrabee
- Robert Ellenstein como Licht
- Les Tremayne como poxador
- Philip Coolidge como Dr. Cross
- Patrick McVey como Sarxento Flamm
- Edward Binns como Capitán Junket
- Ken Lynch como Charlie
Notas editar
- ↑ "Chicago [Picture Grosses]". Variety. 1 de xullo de 1959. p. 10. Consultado o 20 de maio de 2019 – vía Internet Archive.
- ↑ 2,0 2,1 The Eddie Mannix Ledger. Os Ánxeles: Margaret Herrick Library, Center for Motion Picture Study.
- ↑ "North by Northwest". Turner Classic Movies. Consultado o 24 de abril de 2016.
- ↑ Jaynes, Barbara Grant; Trachtenberg, Robert (2004). "Cary Grant: A Class Apart". Burbank, California: Turner Classic Movies.
- ↑ "The Kinetic Typography Engine" (PDF).
- ↑ "AFI's 100 Years ... 100 Movies". www.afi.com.
- ↑ "100 Greatest Films". www.filmsite.org.
- ↑ "Top 100 Movies by Rank". www.films101.com. Arquivado dende o orixinal o 29 de maio de 2023. Consultado o 24 de xaneiro de 2022.
- ↑ "Complete National Film Registry Listing | Film Registry | National Film Preservation Board | Programs at the Library of Congress | Library of Congress". Library of Congress, Washington, D.C. 20540 USA. Consultado o 2020-05-06.
- ↑ Weiler, A. H. (7 de agosto de 1959). "Hitchcock Takes Suspenseful Cook's Tour; ' North by Northwest' Opens at Music Hall". The New York Times.
- ↑ "Alfred Hitchcock's "North by Northwest," Reviewed". The New Yorker. 8 de agosto de 1959.
- ↑ La Voz de Galicia, 21 de xaneiro de 2007. Páx. 71
Véxase tamén editar
Wikimedia Commons ten máis contidos multimedia na categoría: Coa morte nos talóns  |
Bibliografía editar
- Brady, John (1981). The Craft of the Screenwriter. Nova York: Touchstone Books. ISBN 978-0-671-25230-4.
Ligazóns externas editar
- Coa morte nos talóns na IMDb (en inglés).
- Ficha en AllMovie (en inglés)
- Ficha en RottenTomatoes (en inglés)
- Ficha en Metacritic (en inglés)